-3 °С
Болытлы
Гәзиткә язылуVKOKTelegram
Барлык яңалыклар
Иман
20 март 2023, 12:46

Тормыш гыйбрәтләре

“Авызы ябылган балык кармакка эләкми ул. Шуңа күрә өч кат уйла да... тагын дәшмичә кал".

Тормыш гыйбрәтләре
Тормыш гыйбрәтләре
Бәхетне “урлаучы” шундый 3 нәрсә бар: үткәннәр өчен үкенү, киләчәк өчен кайгыру һәм хәзергесе өчен шөкер итмәү.

Яшәеш чынбарлыгы шулдыр: аз белгән кешеләр күп сөйләшә, күп белүчеләр исә дәшми.

Үз кыяфәтен кайгыртучы кызга караганда үз-үзенең тотышын кайгыртучы кыз күпкә матуррактыр.

Алучы кеше учларын тутыра, биргән кеше исә – йөрәген.

Кеше асылын ике нәрсә билгели: аның мохтаҗлык вакытындагы сабырлыгы һәм муллык вакытындагы үз-үзен тотышы.

Сабырлык ул гадәти түзү генә түгел. Чын сабырлык ул – нинди хәлгә эләгүеңә карамастан, шул хәлне Аллаһның хөкеме дип кабул итеп, шуңа күнеп түзү.

Хикмәт иясе ул – күпне белүче түгел. Хикмәт иясе ул – кирәклесен белүче.

Караңгылык белән көрәшмәгез. Утны яндырыгыз да – шуның белән шул.

Аллаһны онытуга сәбәп булган шатлыкка караганда Аңа дога белән мөрәҗәгать итәргә мәҗбүр иткән авырлык хәерлерәктер...” – дип яза Ришат хәзрәт Курамшин.

Фото: pixabay.com.

 

Автор:Фануз Хабибуллин
Читайте нас: