+21 °С
Болытлы
Иман
5 декабрь 2023, 05:35
Бу дөньяның бәхете дүрт нәрсәдән
Пәйгамбәребез Мөхәммәд салләллаһу галәйһи вә сәлләм: “Бу дөнья бәхете дүрт нәрсәдән”, - дигән. Аларның нәрсәләр икәнен беләсезме?
Бу дөньяның бәхете дүрт нәрсәдән
“Рәсүлебез Мөхәммәд салләллаһу галәйһи вә сәлләм: “Бу дөнья бәхете дүрт нәрсәдән гыйбарәт:
игелекле хатын,
иркен йорт,
хәерле күрше,
уңайлы атың (бүгенге көндә транспорт) булуда.
Бәхетсезлек – шуларның капма-каршысы булу”, – дип әйткән (имам Әл-Бәйһакый хәдисләр җыентыгыннан).
Күрше хакында Расүлуллаһ салләллаһу галәйһи вә сәлләм: “Җәбраил галәйһиссәлам миңа күршеләргә яхшы мөнәсәбәттә булуның мөһимлеген нәсыйхәт итүне шулкадәр озак дәвам итте, хәтта ул күршеләрне мирас алучылар исемлегенә кертер дип уйладым”, – дигән (имамнар Әл-Бохари, Мөслим).
Барыгызга да бәрәкәтле, имин көннәр, атналар теләп калам!” – дип яза Тимергали хәзрәт Юлдашев.
Фото: pixabay.com.
