0 °С
Болытлы
Барлык яңалыклар
Иман
3 октябрь , 10:35
Белем алу бәхетле итә
“Ислам динендә гыйлем алу ул кешегә йөкләнә торган вазыйфа гына түгел, ул – иман иясенең дәрәҗәсен күтәреп, аны төрле начарлыклардан саклаучы да, ул – Җәннәткә илтүче дөрес юлны яктыртучы нурдыр. Әгәр Аллаһы Тәгалә кемнедер яратса, ул аны гыйлем нигъмәте белән бүләкләр. “Мүҗәдәлә” сүрәсенең 11нче аятендә әйтелә: “Аллаһ иманлыларның, гыйлем ияләренең дәрәҗәсен арттырыр”.
Белем алу бәхетле итә
Элек гыйлем алыр өчен, өйдән чыгып китеп, йөзләрчә, хәтта меңнәрчә чакрым каядыр барырга кирәк булган. Хәзер исә гыйлем бирүчеләр янәшәдә. Әмма шунысы мөһим: белем алуның нияте дөрес булырга тиеш. Әгәр кеше кемдер белән бәхәсләшәм, надан кешедән көләм, башкаларны уздырам, абруемны күтәрәм, үземә каратам дигән ният белән гыйлем алса, андый белем бәрәкәтле булмаячак, киресенчә – әле зарар да китерергә мөмкин. Дини белемне без акыллы күренер өчен түгел, ә хәрам белән хәләлне, ялган белән хакны бер-берсеннән аера белер өчен алабыз, һәм әлбәттә, уку, мәгълүмат туплау ихлас Аллаһ ризалыгы өчен булырга тиеш.
Ислам галимнәре белдергәнчә, гыйлемнең башы ул – Аллаһны тану, гыйлемнең ахыры (ягъни нәтиҗәсе) – һәр нәрсәне Аллаһка тапшыру. Ә гыйлемнең иң югары ноктасы ул – әдәп: әгәр дини белем алган кешенең гадәтләре, үз-үзен тотышы начар икән, димәк, аның өйрәнгәннәре әлегә аңа файда китермәде.
Әйе, Аллаһның барлыгын-берлеген таныган кеше, һичшиксез, Ул нәрсә кушканын, нәрсәдән тыйганын белергә, барлык фарыз-вәҗебләрне ничек үтәргә икәнен өйрәнергә тиеш. Пәйгамбәребез Мөхәммәд салләллаһү гәләйһи үә сәлләм болай дигән: “Кем Аллаһка итагать итмәү түбәнчелегеннән Аңа итагать итү биеклегенә күчсә, шуны Аллаһы Тәгалә мал-мөлкәтсез дә баетыр, аңа Үзе терәк булыр һәм аны гаскәрсез-ярдәмчеләрсез дә нык, көчле итәр, туганнардан башка да кадирлеген арттырыр”.
Әгәр кеше мәчеткә яисә мәдрәсәгә белем алырга дип килгән икән, димәк, Аллаһы Тәгалә Үзе аны шәкерт итеп сайлады, аңа “Гыйлем алучы” дигән дәрәҗәле исем бирде. Мондый исемгә лаек булырга беркайчан да соң түгел. Пәйгамбәребез Мөхәммәд салләллаһү гәләйһи үә сәлләм үзенең бер мөбарәк хәдисендә билгеләп үткәнчә, белем алу бишектән ләхеткә кадәр, ягъни туганнан үлгәнче дәвам итәргә тиеш. Шуңадыр да хәзерге вакытта мәчет-мәдрәсәләребезгә балалар һәм яшьләр генә түгел, урта һәм өлкән буын вәкилләре дә күп килә. Яшьләр яхшы хәтер белән алдырса, өлкәннәр гыйлемне үзләренең тормыш тәҗрибәсенә таянып үзләштерә. Һәр очракта да ихласлык һәм тырышлык үзенең уңай нәтиҗәсен бирмичә калмый.
“Мин бернәрсә дә белмим, шуңа күрә бармыйм – оятка калырмын дип куркам”, – дип уйлаучылар бер дә борчылмасын: белмәгәнеңне тану ул – инде үзе ярты гыйлем. Беркем дә белеп тумаган, мәчет-мәдрәсәләрдә дә сезнең кебек белмичә килгән кешеләр гыйлеп эстәп йөри. Мөгаллимнәр ярдәмендә син дә өйрәнерсең, яхшылап ниятләсәң, Аллаһы Тәгалә ярдәм итмичә калмас. Шуңа да тәвәккәлләп, барыйк, укырга язылыйк һәм күңел тынычлыгына, бу дөнья һәм әхирәт бәхетенә ия булырга ярдәм итүче белемне ала башлыйк. Дөрестән дә, фәкать дини белем алу нәтиҗәсендә генә кеше Аллаһның ризалыгына ирешә. Ә Аллаһ ризалыгына ирешү ул чын бәхет була да инде...
Октябрь аеннан мәчетләрдә Ислам нигезләрен өйрәнү буенча курслар эшли башлый. Аллаһның бәхет-нигъмәтеннән үз өлешегезне алырга рәхим итегез!” - дип яза Ришат хәзрәт Курамшин.
Фото: pixabay.com.
Ислам галимнәре белдергәнчә, гыйлемнең башы ул – Аллаһны тану, гыйлемнең ахыры (ягъни нәтиҗәсе) – һәр нәрсәне Аллаһка тапшыру. Ә гыйлемнең иң югары ноктасы ул – әдәп: әгәр дини белем алган кешенең гадәтләре, үз-үзен тотышы начар икән, димәк, аның өйрәнгәннәре әлегә аңа файда китермәде.
Әйе, Аллаһның барлыгын-берлеген таныган кеше, һичшиксез, Ул нәрсә кушканын, нәрсәдән тыйганын белергә, барлык фарыз-вәҗебләрне ничек үтәргә икәнен өйрәнергә тиеш. Пәйгамбәребез Мөхәммәд салләллаһү гәләйһи үә сәлләм болай дигән: “Кем Аллаһка итагать итмәү түбәнчелегеннән Аңа итагать итү биеклегенә күчсә, шуны Аллаһы Тәгалә мал-мөлкәтсез дә баетыр, аңа Үзе терәк булыр һәм аны гаскәрсез-ярдәмчеләрсез дә нык, көчле итәр, туганнардан башка да кадирлеген арттырыр”.
Әгәр кеше мәчеткә яисә мәдрәсәгә белем алырга дип килгән икән, димәк, Аллаһы Тәгалә Үзе аны шәкерт итеп сайлады, аңа “Гыйлем алучы” дигән дәрәҗәле исем бирде. Мондый исемгә лаек булырга беркайчан да соң түгел. Пәйгамбәребез Мөхәммәд салләллаһү гәләйһи үә сәлләм үзенең бер мөбарәк хәдисендә билгеләп үткәнчә, белем алу бишектән ләхеткә кадәр, ягъни туганнан үлгәнче дәвам итәргә тиеш. Шуңадыр да хәзерге вакытта мәчет-мәдрәсәләребезгә балалар һәм яшьләр генә түгел, урта һәм өлкән буын вәкилләре дә күп килә. Яшьләр яхшы хәтер белән алдырса, өлкәннәр гыйлемне үзләренең тормыш тәҗрибәсенә таянып үзләштерә. Һәр очракта да ихласлык һәм тырышлык үзенең уңай нәтиҗәсен бирмичә калмый.
“Мин бернәрсә дә белмим, шуңа күрә бармыйм – оятка калырмын дип куркам”, – дип уйлаучылар бер дә борчылмасын: белмәгәнеңне тану ул – инде үзе ярты гыйлем. Беркем дә белеп тумаган, мәчет-мәдрәсәләрдә дә сезнең кебек белмичә килгән кешеләр гыйлеп эстәп йөри. Мөгаллимнәр ярдәмендә син дә өйрәнерсең, яхшылап ниятләсәң, Аллаһы Тәгалә ярдәм итмичә калмас. Шуңа да тәвәккәлләп, барыйк, укырга язылыйк һәм күңел тынычлыгына, бу дөнья һәм әхирәт бәхетенә ия булырга ярдәм итүче белемне ала башлыйк. Дөрестән дә, фәкать дини белем алу нәтиҗәсендә генә кеше Аллаһның ризалыгына ирешә. Ә Аллаһ ризалыгына ирешү ул чын бәхет була да инде...
Октябрь аеннан мәчетләрдә Ислам нигезләрен өйрәнү буенча курслар эшли башлый. Аллаһның бәхет-нигъмәтеннән үз өлешегезне алырга рәхим итегез!” - дип яза Ришат хәзрәт Курамшин.
Фото: pixabay.com.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27