0 °С
Кар
Барлык яңалыклар
Очкын
27 июль 2017, 02:00
Форма үзгәртә икән!
Наркотиклар куллану һәм таратуга каршы эш алып бару буенча район максатлы программасына ярашлы, Түбән Балтач мәктәбендә “Яшь спецназчы” хәрби-спорт лагере эшләде. Аның максаты — балаларны сәламәт яшәү рәвешенә җәлеп итү, патриотик тәрбия бирү.
“Хәрби дозор” юнәлешендә укучылар кул сугышы буенча күнекмәләр ясады, наркоконтроль бүлегенең эшчәнлеге белән танышты, сафта йөрү, мәргәнлек буенча әзерлек үтте, шулай ук радиация, химик, биологик куркыныч янаганда саклану чаралары белән танышты.
“Спорт дозоры” юнәлешендә төрле ярышлар үтте, укучылар теләп төрле бәйгеләрдә, эстафеталарда катнашты.
Һәр солдат тәртипне белергә, чисталыкка, пөхтәлеккә омтылырга тиеш. Моңа исә укучылар “Экологик дозор” мәктәбендә өйрәнде.
Яшь спецназчылар пневматик мылтыктан ату, турникта күтәрелү, противогаз кию, Калашников автоматын сүтеп-кору һәм башкалар буенча нормативлар тапшырды, үзара ярышты. Барлык биремнәрне дә бик яхшы үтеп, малайлар арасыннан җиңүче дип — Динар Муллаяров, кызлар арасыннан Виктория Гыйльмиярова табылды. Кызларга да мондый осталык кирәкмени, дип аптырар кайберәүләр. Викторияның моңа җавабы әзер:
— Әлбәттә! Туган илне егетләр генә саклый, дип кем әйтер? Хатын-кызларның беркайчан да бу изге эштән читтә калганы юк. Хәер, безгә беркайчан да кулга корал алырга туры килмәсен, сугышлар булмасын! Ә менә җитезлек, мәргәнлек, яхшы формада булу беркемгә дә комачауламый. Мин әлеге лагерьда булуыма бик шат, — ди ул.
Икенче урынны Дэни Кайранов һәм Лиана Габокова алса, өченче урынга Родион Мардоков һәм Андрияна Шайбакова чыкты.
Яшь спецназчылар шулай ук тормыш хәвефсезлеге, хәрби әзерлек нигезләре, экстремаль шартларда үз-үзеңне тоту кагыйдәләре буенча дәресләр алды, белем туплады.
— Хәрби эш малайларга һәрвакыт кызык инде ул, корал күрсәк, һушыбыз китә. Мине күбрәк көзге алдында бөтерелергә яраткан кызларның да спорт уеннары, хәрби күнекмәләр белән мавыгуы бик аптыратты. Карыйм, форма аларга да бик килешә икән! Гомумән, форма кигәч, үзеңне яхшырак тотасы килә, сикереп-чабып, теләсә ничек йөреп булмый. Кызык, әмма хәрби форма кешене үзгәртә икән! — ди Динар Муллаяров.
— Укучылар нәрсә белән булса да шөгыльләнсә, файдалы эшләргә җәлеп ителсә, аларның урамда йөрергә, тәртипсезлек кылырга вакыты калмый. Без “Яшь спецназчы” лагерен беренче тапкыр гына оештырмыйбыз, һәм аның яшь буынны тәрбияләүдә бик зур файдасын күрәбез, — ди районның наркотикларга каршы ведомствоара комиссиясе секретаре Эльза Вәлиева.
Менә шундый күңелле һәм файдалы итеп үткәрде Түбән Балтач мәктәбендә укучылар җәйге ял көннәрен.
“Спорт дозоры” юнәлешендә төрле ярышлар үтте, укучылар теләп төрле бәйгеләрдә, эстафеталарда катнашты.
Һәр солдат тәртипне белергә, чисталыкка, пөхтәлеккә омтылырга тиеш. Моңа исә укучылар “Экологик дозор” мәктәбендә өйрәнде.
Яшь спецназчылар пневматик мылтыктан ату, турникта күтәрелү, противогаз кию, Калашников автоматын сүтеп-кору һәм башкалар буенча нормативлар тапшырды, үзара ярышты. Барлык биремнәрне дә бик яхшы үтеп, малайлар арасыннан җиңүче дип — Динар Муллаяров, кызлар арасыннан Виктория Гыйльмиярова табылды. Кызларга да мондый осталык кирәкмени, дип аптырар кайберәүләр. Викторияның моңа җавабы әзер:
— Әлбәттә! Туган илне егетләр генә саклый, дип кем әйтер? Хатын-кызларның беркайчан да бу изге эштән читтә калганы юк. Хәер, безгә беркайчан да кулга корал алырга туры килмәсен, сугышлар булмасын! Ә менә җитезлек, мәргәнлек, яхшы формада булу беркемгә дә комачауламый. Мин әлеге лагерьда булуыма бик шат, — ди ул.
Икенче урынны Дэни Кайранов һәм Лиана Габокова алса, өченче урынга Родион Мардоков һәм Андрияна Шайбакова чыкты.
Яшь спецназчылар шулай ук тормыш хәвефсезлеге, хәрби әзерлек нигезләре, экстремаль шартларда үз-үзеңне тоту кагыйдәләре буенча дәресләр алды, белем туплады.
— Хәрби эш малайларга һәрвакыт кызык инде ул, корал күрсәк, һушыбыз китә. Мине күбрәк көзге алдында бөтерелергә яраткан кызларның да спорт уеннары, хәрби күнекмәләр белән мавыгуы бик аптыратты. Карыйм, форма аларга да бик килешә икән! Гомумән, форма кигәч, үзеңне яхшырак тотасы килә, сикереп-чабып, теләсә ничек йөреп булмый. Кызык, әмма хәрби форма кешене үзгәртә икән! — ди Динар Муллаяров.
— Укучылар нәрсә белән булса да шөгыльләнсә, файдалы эшләргә җәлеп ителсә, аларның урамда йөрергә, тәртипсезлек кылырга вакыты калмый. Без “Яшь спецназчы” лагерен беренче тапкыр гына оештырмыйбыз, һәм аның яшь буынны тәрбияләүдә бик зур файдасын күрәбез, — ди районның наркотикларга каршы ведомствоара комиссиясе секретаре Эльза Вәлиева.
Менә шундый күңелле һәм файдалы итеп үткәрде Түбән Балтач мәктәбендә укучылар җәйге ял көннәрен.
Новости партнеров