+6 °С
Болытлы
Барлык яңалыклар
Очкын
27 апрель , 09:55
“Без үргән челтәрләр әтиләрне дошман күзеннән сакласын!”
Бүздәк районының Каран мәктәбе коллективы махсус хәрби операциядә катнашучы яугирләргә ярдәм оештыруда актив катнаша.
“Без үргән челтәрләр әтиләрне дошман күзеннән сакласын!”
Алар “Солдатка хат” акциясенә беренчеләрдән булып кушылган иде. Каран укучылары илебез тынычлыгы өчен көрәшүче әтиләргә, абыйларга ихлас теләкләр язылган, матур рәсемнәр белән бизәлгән хатлар юллады.
Белем учагында игелекле эшләр дәвам итә. Әйтик, март башыннан мәктәп фойесында һәр тәнәфестә югары сыйныф укучылары, юнармиячеләр маскировка челтәрләре үрә. Аларга технология һәм тарих укытучысы Ләйсән Хөсәенова ярдәм итә.
Белем учагында игелекле эшләр дәвам итә. Әйтик, март башыннан мәктәп фойесында һәр тәнәфестә югары сыйныф укучылары, юнармиячеләр маскировка челтәрләре үрә. Аларга технология һәм тарих укытучысы Ләйсән Хөсәенова ярдәм итә.
— Безнең мәктәп коллективы хәрби операциядә катнашучыларга ярдәмгә беренче көннәрдән үк актив кушылды. Без гуманитар ярдәм җыюда катнашабыз, окоп шәмнәре ясыйбыз, яугирләргә рәхмәт сүзләре язабыз. Ләкин вакыт узу белән тагын нәрсәдер эшләү, ярдәм итү теләге туды, — ди мәктәп директоры Айрат Мансуров.
Укучылар үзләре дә бу эшләрнең никадәр мөһим һәм кирәкле булуын аңлый.
— Мин яугирләргә ярдәм итә алуыма шатмын. Мондый челтәрләр техниканы һәм солдатларны дошман күзеннән саклый, — ди волонтер, юнармияче Мансур Гыйззәтуллин.
Өлкән сыйныфта укучы абый-апаларыннан үрнәк алып, кечерәк сыйныф укучылары да ярдәмгә кушыла. Күптән түгел 5-6нчы сыйныф укучылары мәктәп директорының тәрбия эшләре буенча киңәшчесе Зөлфия Мансурова җитәкчелегендә озак янучы 50 кап шырпы ясаган.
Мондый шырпыларны мич яканда, учак тергезгәндә, ризык җылытканда кулланырга мөмкин. Алар җилле һава торышында һәм хәтта карлы яңгырлар вакытында да сүнми. Алар аучылар шырпысына караганда да озаграк яна.
“Чыгымнар зур түгел — гади шырпылар, шпажкалар, җепләр, кәгазь салфеткалар, парафин һәм бераз гына вакыт кирәк”, — ди Зөлфия Җәмил кызы.
Ә без, остазга кушылып, зур теләк тә кирәк, дип өстибез. Теләк, тырышлык, уңганлык — бу мәктәпнең укытучыларына да, укучыларына да хас сыйфатлар. Дөньяларның тыныч булуы, ир-егетләребезнең тизрәк исән-имин әйләнеп кайтуы өчен үз өлешен кертүче дусларыбызга әфарин!
Фото мәктәп сайтыннан.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27