Яшеннән ничек сакланырга?

! Яшен вакытында фатирда, йортта, бинада булган барлык көнкүреш электр приборларын сүндерегез.

! Ачык тәрәзәләр һәм ишекләр янында басып тормагыз, шулай ук суүткәргеч краннарга, торбаларга кагылмагыз.

! Яшен үтеп кермәсен өчен тәрәзәләр ябык булырга тиеш.

! Телефонны зарядкада тотмагыз һәм яшен вакытында аннан файдаланмагыз.

Әгәр урманда калсагыз...

* Яшенле яңгыр башланса, ачык яланга чыгарга тырышыгыз, биек яисә аерым үсеп утыручы агач астында тормагыз, аның кәүсәләренә кагылмагыз.

* Янган учак янында утырмагыз: кайнар һава яхшы электр үткәрүче булып тора.

* Агачка менмәгез.

Әгәр ачык урында булсагыз...

* Яшен иң биек урынга суга, шуңа да калкулыкларда басып тормагыз. Металл коймалар, электр линияләре яныннан ерак китегез, яланаяк йөрмәгез, печән яки салам өеменә качмагыз. Ток үткәргеч әйберләрне: көрәк, сәнәк, чалгыларны баш өстенә күтәрмәгез.

* Яшен вакытында спорт уеннары уйнамагыз, хәвеф янаган урыннарда төркем белән басып тормагыз.

Елга-күл буенда икәнсез...

* Яшен вакытында су коенмагыз, сулык янында утырмагыз, көймәдә йөзмәгез, балык тотмагыз.

Автор фотосы.