+20 °С
Болытлы
Хокук
3 сентябрь 2020, 10:15
Ветеранны үтерүчеләрнең берсе - күршесе....
Ике ай узгач, хокук саклаучылар Кыйгы районындагы коточкыч җинаятьне ачты.
Ике ай узгач, хокук саклаучылар Кыйгы районындагы коточкыч җинаятьне ачты.
9 июльдә биредә 100 яшьлек Бөек Ватан сугышы ветераны Иван Несмеяновның гәүдәсе табылган иде. Аның билгесез кешеләр җәзалап үтергән, ә аннары, акча белән пакетны алып, эз югалткан.
Эчке эшләр министрлыгында үтерүчеләр турындагы мәгълүмат өчен хәтта ярты миллион сум түләргә вәгъдә иттеләр. Ләкин телефон шалтырамаган - явызлар суга баткандай юк булган. Әмма 1 сентябрьдә фаразланган җинаятьчеләр кулга алынды. 41 яшьлек Виктор В. һәм 32 яшьлек Юрий Н. - дуслар. Беренчесе - шушы авылда, икенчесе Чиләбе өлкәсенең Бакал шәһәрендә яшәгән. Алар икесе дә - ФСИНның элекке хезмәткәрләре.
Беренчел мәгълүматлар буенча, Юрий Викторда кунакта була, шунда алар план кора - ветеранны үтерергә һәм аның пенсия акчаларын урларга. Юлбасарлар 8 июльдән 9 июльгә төнлә пенсионер йортына бәреп кергәннәр...
- Әйе, кызганычка каршы, аларның берсе авылдашыбыз булып чыкты, - дип сөйләгәннәр «КП»га авыл Советында. - Бөтен авыл шок хәлендә, без моны көтмәгән идек. Гомумән, моны безнекеләрдән кемдер дип көтмәделәр. Гади генә кеше, башкалардан берни белән дә аерылмый, гаиләсе, ике кызы бар, ВДВда хезмәт иткән.
"LIFE" басмасы мәгълүматлары буенча, дусларга очраклы гына чыкканнар. Тикшерүчеләр авылның барлык кешеләреннән сораштыра башлый, бабайны үтергән кеше шушы авылдан булырга тиеш, дип уйлый алар. Һәм ялгышмый...
Җинаятьчеләр күрсәтмә биргәндә ветеранны үтерергә теләмәгәннәрен билгели. Әмма ветеран миллион сум салынган пакетның кайда ятуын хәбәр иткәч тә тегеләр аны исән калдырмаган. Башына лом белән сукканнар да гаип булганнар. Бүләкләр һәм медальләргә тимәгәннәр.
Фото: kp.ru
