+21 °С
Болытлы
Хокук
25 сентябрь 2020, 04:25
"Полиция хезмәткәрләре көчләү белән куркытты..."
Стәрлетамакта коточкыч хәл буенча тикшерү башланды.
Стәрлетамакта коточкыч хәл буенча тикшерү башланды. Стерлетамакта яшәүче Иван Я. полициянең урындагы бүлегендә ерткычларча җәзалауларга һәм көчләү белән янауларына дучар булуын белдергән. Инцидент быел июльдә үк булган.
Зыян күрүче сүзләренчә, ул ярдәм сорап сентябрьдә комитет юристларына мөрәҗәгать иткән. Июльдә Иванны Помряскино авылында полиция хезмәткәрләре тоткарлаган. Аның шәхси әйберләрен карап чыгалар һәм ау мылтыгы обрезын һәм наркотик матдә салынган өч пакетик табалар.
Әгәр дә обрез Иванның машинасында инде берничә ел яткан булса, наркотикларны, аның сүзләренчә, тикшерү вакытында ташлаганнар. Шуннан соң ирне урындагы полиция бүлегенә илтәләр. Хезмәткәрләр Иваннан эре мөгезле терлекне урлауда гаебен танытырга да тырыша. Иван әйтүенчә, ул аны урламаган.
Гаеп тануга ирешү өчен полиция хезмәткәрләре аны бик каты кыйнаганнар, электрошокер кулланган, көчләү белән янаганнар һәм җәзалаганнар. - Бу вакытта башка полиция хезмәткәрләре спиртлы эчемлекләр кулланды. Ниндидер мизгелдә, мин идәндә яткан вакытта, минем борыннан кабинет идәненә кан ага башлады. Шулчак полицейскийларның берсе электрошокер алды һәм арттан миңа суга башлады.
Мин гаеп танудан баш тарттым. Бу вакытта идәндә ята идем. Арытаба яныма полиция хезмәткәре килде, миннән шортигымны һәм эчке киемнәрне салдырып, швабра таягы кысты, - ди ул. Икенче көнне иртән полиция хезмәткәрләре ирне хезмәткәрләргә карата дәгъвалары булмавы турында кәгазьгә кул куярга мәҗбүр иткән, ә имгәнүләрне ул йорт түбәсеннән егылып алган, имеш. Табиблар баш мие ябык җәрәхәтен һәм баш мие селкенүен, күпсанлы имгәнүләрен, умыртка сөягенең аркылы үсентесе зарарлануын диагностикалаган.
Иванга карата зур күләмдә наркотиклар саклау мәддәсе буенча җинаять эше кузгатылган. Ә полициядә җәзалауны тикшерү белән төбәк Тикшерү комитеты шөгыльләнә.
