Аскын районында була бу хәл.
Аскын районында яшәүче 38 яшьлек хатын-кыз очраклы рәвештә чит йортны яндырган. 2020 елның августында исерек хатын мәҗлестән соң туганнарына барган. Ишегалдында ул сүнмәгән тәмәке һәм шырпы ыргыткан. Тәүдә өйнең янкормасына ут капкан, аннары өйгә дә күчкән.
Күрелгән зыянны 370 мең сумга бәяләгәннәр. Хатын үз гаебен тулысынча таныган. Суд аңа 300 сәгать мәҗбүри эш рәвешендә җәза билгеләгән.