Барлык яңалыклар
Хокук
26 гыйнвар 2021, 19:40

19 ел элек кылынган җинаять ачылган

Бу - маньякның 11нче корбаны.

Бу - маньякның 11нче корбаны.
Башкортстан Тикшерү идарәсенең аеруча мөһим эшләрне тикшерү бүлеге Свердловск өлкәсенең Новоуральск шәһәрендә яшәүче 45 яшьлек Евгений Петровка карата җинаять эшен тикшерүне тәмамлады. Ул "көчләү һәм үтерү " мәддәсе буенча гаепләнә.
Дуван районында 19 ел элек 16 яшьлек кыз үтерелә. Үлем алдыннан укучыны көчлиләр, мәетне урманда ташлыйлар. Кайнар эзләр буенча җинаятьчене табып булмый, һәм 2020 елда гына да узган елларда кылынган җинаятьләрне ачу һәм тикшерү эшләре вакытында зыян күрүченең шаһитлары һәм туганнары яңадан сораштырыла, җинаять эше материаллары җентекләп өйрәнелә.
Моннан тыш, барлык җинаятьләр автомобиль юлы янындагы урман массивында кылына. Нәтиҗәдә, гаепләнүченең җинаятькә катнашы билгеләнгән. Сораштыру вакытында, җыелган дәлилләрнең авырлыгы астында, ул үз гаебен таныган.
2001 елның 12 маенда җинаятьче үзенең «ВАЗ-21051» автомобилендә Дуван районының Мәсәгуть авылы аша барган. Зыян күрүчене автовокзал янында күреп, ул аны илтергә тәкъдим итә. Аннары ир аны урман полосасына алып керә, анда пычак белән янап көчли, ә аннары буып үтерә. Кыз үлгәч, ул аңа берничә тапкыр пычак кадый, аннары мәетне үз автомобиленә буксир тросы белән бәйли һәм урманга илтеп ташлый, шуннан соң качып китә.
Хәзер җинаять эше буенча гаепләү карары прокурор тарафыннан расланган, аның күчермәсен гаепләнүчегә тапшырганнан соң, эш судка җибәреләчәк.
Маньяк 1998-2003 елларда Свердловск өлкәсендә ун кызны үтергән өчен 2005 елда гомерлеккә төрмәгә утыртылган.
Фото: башинформ
Читайте нас в