Барлык яңалыклар
Хокук
4 июль 2021, 17:10

Ветераннар, медальләр һәм... бестселлер

3 июльдә Уфада Башкортстан Республикасы ДАИ-ЮХХДИ ветераннары бәйрәм чарасы булды.

3 июльдә Уфада Башкортстан Республикасы ДАИ-ЮХХДИ ветераннары бәйрәм чарасы булды.
Дөньяда иң мобиль хезмәтләрнең берсе үзенең 85 яшьлек юбилеен билгели. 1936 елның 3 июлендә СССР Эчке эшләр министрлыгы Дәүләт автомобиль инспекциясе оештырыла. Башкортстанда бу һәрвакыт үзенчәлекле бәйрәм. Күп очракта отставкадагы инспекторлар хезмәт эшчәнлегенә актив йогынты ясавы аркасында.
Мисал өчен-Наил Шәрифҗан улы Шәяхмәтов. 10 елдан артык ДАИ идарәсенең Юл-патруль хезмәте бүлеген җитәкли. Отставкага киткәннән соң, хәрби тарих белән шөгыльләнә, Башкортстан һәм Русия Журналистлар берлеге әгъзасы булып тора, Русия Язучылар берлеге составына керә.
Дәүләт автоинспекциясе юбилеена багышланган тантаналы чарада Наил Шәрифҗан улы үзенең яңа китабын тәкъдим итте. Бу-республика ЮХХДИ идарәсенең хезмәт ветераннары биографиясе, коллектив характеры аша ачылган җентекле тарихы, куелган дәүләт бурычларына ирешү юлы.
Аеруча актив ЮХХДИ ветераннары арасында Динар Гыйльметдинов та бар. Күптән түгел генә Башкортстан Республикасының Баш дәүләт автоинспекторы, ә хәзер-отставкадагы полиция полковнигы. Ул шулай ук җыелучыларны юбилей белән котлады, ведомство мәнфәгатьләрен кайгыртулары һәм игътибарлары өчен рәхмәт белдерде.
- Сез һәрвакыт яшь ЮХХДИ хезмәткәрләрен тәрбияләүдә актив ярдәм итәсез, - дип билгеләп үтте Динар Гыйльметдинов. – Мин мондый ярдәмнең төрле төрләрен күрәм, әмма аларның иң мөһиме – хезмәт вазыйфаларын намус белән башкаруның, узган еллардагы лаеклы гамәлләрнең һәм каһарманлыкның лаеклы үрнәкләре белән танышу. Буыннарның үзара хезмәттәшлеге - безнең идарәнең төп нигезе. Рәхмәт сезгә барысы өчен.
Яңа китап, ким дигәндә, әлеге очрашуның хитына әверелде. Кем белә, бәлки, кайчан да булса бу хезмәт Башкортстан кинематографистларын кызыксындырыр һәм китап тулы бер фильмның нигезенә салыныр.
Фото: "ЮХХДИ РБ"