Башкортстанда Русия Конституциясе көнендә хокукый диктант финалы узачак

Хокукый грамоталылык өлкәсендә үз белемнәреңне 14 яшьтән өлкәнрәк һәр кеше юридик диктант сайтында дөньяның теләсә кайсы ноктасыннан онлайн-режимда тикшерә ала. Тест тәмамлангач, һәр катнашучы диктант узу турында сертификат алачак. Диктант 40 сораудан тора, биремнәрне үтүгә 1 сәгать вакыт биреләчәк. Сорауларның тематикасы: Русия Федерациясе Конституциясе, җинаять һәм административ җаваплылык, хезмәт, гражданлык һәм гаилә хокуклары өлкәсендәге законнар нигезләре.

Русия Юристлар ассоциациясе билгеләп үткәнчә, быел диктант беренче тапкыр инглиз, кытай һәм португал телләренә күчерелгән. Моннан тыш, катнашучыларга "Базовый" һәм "Профессиональ" тест вариантлары да бирелә ала. Шулай ук сораулар видео рәвешендә яңа форматлар барлыкка килгән. Проектта катнашучылар саны һәм география елдан-ел үсә. Исегезгә төшерәбез, беренче диктант 2017 елда узды һәм 55 меңнән артык катнашучыны җәлеп итте. Үткән елда диктантта Русиядә һәм чит илләрдә яшәүче 507 174 граждан катнашты.

- Былтыр Бөтенрусия хокукый диктантында Башкортстанның 7032 кешесе катнашты, - дип шәрехли Русия Юристлар ассоциациясенең Башкортстан бүлеге аппараты җитәкчесе Екатерина Смоленчук. - Быел шулай ук республикада яшәүче һәркем 3-12 декабрьдә V Бөтенрусия хокукый диктант сайтында диктант яза ала.

Фото: "Башинформ"