+21 °С
Болытлы
Хокук
18 март 2022, 05:02
Урам уртасында җан кыйган иде
Уфа адвокатының гомерен кыйган эшкуарга карата суд карары чыгарылды.
Урам уртасында җан кыйган иде
Киров районы буенча тикшерү бүлеге тарафыннан җыелган материаллар суд тарафыннан 50 яшьлек Яшинга карата мәҗбүри медицина характерындагы чаралар куллану өчен җитәрлек дип табылды.
Төбәкнең Тикшерү комитеты матбугат хезмәте мәгълүматлары буенча, узган елның 17 мартында башкаланың Пушкин урамындагы Башкортстан Арбитраж суды янында Яшин С. һәм Елисеев А. арасында конфликт була. Чираттагы суд утырышыннан соң хөкем ителүче һәм 33 яшьлек зыян күрүче сөйләшү өчен соңгысының автомобиленә утыралар. Сөйләшү вакытында Яшин пычак ала һәм берничә тапкыр Елисеевның күкрәгенә һәм эченә кадый, шуннан соң соңгысы машинадан качып китәргә омтыла. Тик үтерүче аны куып тота һәм тагын берничә тапкыр чәнчә, ә аннары җинаять урыныннан кача.
Алынган яралардан зыян күрүче шунда ук җан бирә. Хөкем ителүче соңрак үз-үзенә кул салырга маташса да, медиклар аны коткара.
Һәлак булган адвокатның хатыны, аңа мөмкин кадәр катырак җәза биреп, 20 миллион сум акчалата компенсация сораган булган.
