Мартта нинди законнар көченә керә?

Пенсияләр, пособиеләр, ташламалар, түләүсез медицина ярдәме һәм Русия законнары буенча белем алу 1 марттан ДХР, ЛХР, Запорожье һәм Херсон өлкәләрендә яшәүчеләргә мөмкин булачак.

Гомумрусия социаль яклау чаралары, шул исәптән, инвалидлыгы булган гражданнарга, Бөек Ватан сугышы ветераннарына һәм инвалидларына, хәрби хезмәткәрләр гаиләләре әгъзаларына һәм гражданнарның ташламалы башка категорияләренә кагыла.

Укучыларга - кайнар туклану һәм түләүсез дәреслекләр, ә студентларга ташламалар һәм стипендияләр булачак.

Кече һәм урта эшкуарлык субъектларына күчемле милекне - мәсәлән, йөк автомобильләрен, төзелеш техникасын - дәүләт яисә муниципаль милектәге күчемле мөлкәтне сатып алуга өстенлекле хокук бирелә. Элегрәк әлеге хокук күчемсез милеккә генә кагыла иде.

Хөкүмәт йорт хайваннарын сату урыннарына карата таләпләрне раслаячак. Бу аларны зоокибетләрдә һәм кошлар базарларында рәхимсез мөгамәләдән сакларга мөмкинлек бирәчәк.

Авыр һәм аеруча авыр җинаятьләр өчен хөкем ителгәннәр өчен такси йөртүчеләр булып эшләү тыелачак. Берничә авыр һәм аеруча авыр җинаятьләр өчен хөкем ителгән гражданнар җәмәгать транспорты һәм такси белән идарә итүгә рөхсәт ителмәячәк. Бу үтерү, сәламәтлеккә авыр зыян китерү, кеше урлау, талау, җенси, шулай ук иҗтимагый иминлеккә һәм конституцион стройга каршы җинаятьләр турында мәддәләр буенча гаепләү алынмаган яисә җәзасы үтәлмәгән хөкем ителүгә кагыла.

Яфрак һәм чүп-чарны яндыруның, дача участокларында мангаллар урнаштыруның яңа кагыйдәләре үз көченә керә. Хәзер учак металл савыт (бак, мичкә) кулланганда, мәсәлән, коры үлән яндыру урыны биналарга һәм башка корылмаларга кадәр 7,5 метрдан да ким булмаган ераклыкта булырга тиеш; шулай ук ылыслы урманнан 50 метр ераклыкта, яфраклы урманнан 15 метр ераклыкта; әйләнә-тирәдә чистарту зонасы - 5 метр; мангалдан теләсә нинди корылмаларга кадәр ара - 5 метрдан да ким түгел.

Коммуналь хезмәтләр күрсәтү кагыйдәләренә үзгәрешләр үз көченә керә. Йортта яшәүчеләр өйдә булмаган вакытта чүп-чарны чыгарган өчен түләүләрне яңадан исәпләүне таләп итә алачак, әгәр үзләренең бу вакытта анда яшәмәгәнлеген раслаучы документлары булса.

Фото: bashinform.ru