+24 °С
Яңгыр
Хокук
22 август 2023, 10:16
Участковыйларның осталык конкурсы узачак
Башкортстан Хөкүмәтендә Премьер-министр Андрей Назаров рәислегендә узган киңәшмәдә участок полиция хезмәткәрләренең һөнәри осталык конкурсларын үткәрү мәсьәләсе каралды.
Участковыйларның осталык конкурсы узачак
- Быел Эчке эшләр министрлыгы системасында участок полиция хезмәткәрләре бүлеге оешуга 100 ел тула. Бүген республикада 1 меңнән артык участковый эшли. Агымдагы елның 7 ае нәтиҗәләре буенча алар 4 меңгә якын җинаять ачыклаган, - дип билгеләп үтте Андрей Назаров.
Һөнәри осталык конкурсларын үткәрү турында тулырак мәгълүматны Гадәттән тыш хәлләр буенча дәүләт комитеты рәисенең беренче урынбасары Кирилл Первов китерде.
Конкурста түбәндәге номинацияләр булачак: «Башкортстанда иң яхшы участок полиция вәкиле», «Башкортстанда балигъ булмаганнар эшләре буенча иң яхшы инспектор», «Административ күзәтчелекне гамәлгә ашыру буенча иң яхшы инспектор».
Һөнәри осталык конкурсларында җиңүчеләр өчен акчалата бүләкләр каралган: 1 урын өчен - 100 мең сум, 2 урын өчен - 75 мең сум, 3 урын өчен - 50 мең сум.
Фото: bashinform.ru
