"Илебез СВОда көрәшкәндә экстремистлар вәзгыятьне эчтән кабарта"

Юлай Моратов Фаил Алчиновка* чыгарылган суд карарын шәрехләде.

- Туган республикабызда барган вакыйгалар гаҗәпләндерә һәм борчый. Ил махсус хәрби операцияне үтәү процессында тора, асылда, Көнбатыш илләренең 54 иленә каршы сугыша, ә бу яшь егетләр Баймакта вәзгыятьне эчтән кабартырга тырыша, тәртипсезлекләр оештыра. Хәтта кайбер ММЧлар һәм телеграм-каналларны өстән генә карап, процесс белән Көнбатыш идарә итүен күзәтергә мөмкин. Блокировкаланган ресурслар урынында шундук яңалары ачыла, инструктаж алып барыла, мондый очракларда ничек эшләргә һәм җыеннарда нинди лозунглар әйтергә икәне турында белдерелә. Мондый митингларның лидерлары, кагыйдә буларак, пантюркист хәрәкәтләре була. Моңа радикаль милләтче һәм ваххабитлык оешмалары тарафыннан күзәтчелек ителә, өстәвенә алар хәйләкәр рәвештә экологик көн тәртибе белән каплана. Мондый оешмаларның лидерларының бер өлеше бүген илдән качты һәм тарафдарлары белән читтән торып җитәкчелек итәргә тырыша. Митингта кешеләрнең 90 проценты аларны ни өчен җыйганнарын һәм нинди максатлар куелуын аңламый, дип уйлыйм, - диде спикер.

Исегезгә төшерәбез, Фаил Алчинов* 2019 елга кадәр биш ел дәвамында рәсми теркәлмәгән «Башкорт»** оешмасын җитәкли. Милләтара ызгышка әйдәгән күпсанлы чаралар оештырган өчен республика Башлыгы башлангычы белән Башкортстанның Югары суды 2020 елда «Башкорт»ны экстремистик оешма дип таныды һәм аның эшен тыелды.

Башкортстанның Югары суды экстремистик оешма дип танып, аның эшен тыйганнан соң да берничә ел дәвамында Алчинов үзенең хокукый кануннарга каршы килгән эшчәнлеген дәвам итә, берничә тапкыр суд тарафыннан җаваплылыкка тарттырыла, аңа карата административ эшләр ачыла, штраф салына. Моннан тыш, чит ил агентлары, шул исәптән Р. Габбасов, белән тыгыз хезмәттәшлек алып бара. Русия Армиясенең махсус хәрби операциягә бәйле эшен тәнкыйтьли. Төркия Республикасына качып китәргә тырыша.

* – Русия финанс мониторингы мәгълүматлары буенча, террорчылар һәм экстремистлар исемлегенә кертелгән.

** – 2020 елның 20 апрелендә Башкортстанның Югары суды карары белән «Башкорт» оешмасы экстремистик оешма дип танылды һәм аның эше Русиядә тыелды.