-5 °С
Кар
Барлык яңалыклар
Хокук
2 ноябрь , 09:40
Мәләвезнең элекке башлыгы хөкем ителде
Салават шәһәр суды аеруча зур күләмдә ришвәт алуда гаепләнүче Мәләвез районы хакимиятенең элекке башлыгы Рөстәм Шәмсетдиновка карата җинаять эшен карады.
Мәләвезнең элекке башлыгы хөкем ителде
Башкортстан судларының берләштерелгән матбугат хезмәтендә һәм Прокуратура матбугат хезмәтендә хәбәр итүләренчә, 2018 елның апреленнән май аена кадәр гаепләнүче коммерция фирмасына рекреацион тәгаенләнештәге җирләргә (анда төзелеш тыелган) караган өч участокны арендалау килешүләрен төзү хокукына аукционда җиңүдә ярдәм иткән, шулай ук гомум химаячелек күрсәткән. Ришвәт сыйфатында түрә төзү планлаштырылган 4 млн сумнан артык бәяле өч фатирга милек хокукын түләүсез тапшыруны таләп иткән.
Нәтиҗәдә муниципалитет башлыгы аукционда төзелеш фирмасының җиңүен тәэмин итә, ә төзүче милеккә милек хокукын тапшыра. Җинаятьчел керемне конспирацияләү һәм легальләштерү өчен Шәмсетдинов арадашчыга фатирларга милек хокукларын - ышанычлы затларга, ә соңыннан үз туганнарына рәсмиләштерергә кушкан.
Гаепләнүче гаебен өлешчә таныды. Аны гаепле дип таныдылар һәм 9 ел 6 айга ирегеннән мәхрүм итү, бишләтә ришвәт күләмендә, ягъни 20 млн 325 мең сум штраф, сигез елга урындагы үзидарә органнарында хакимият вәкиле функцияләрен башкару, оештыру-боерык бирү һәм административ-хуҗалык вәкаләтләрен башкару белән бәйле вазыйфаларны биләү хокукыннан мәхрүм итү рәвешендә җәза билгеләделәр.
Республика прокуратурасы дәгъвасы буенча элекке түрәдән һәм аның туганнарыннан дәүләт кеременә Уфада һәм Мәләвездә расланмаган керемнәргә сатып алынган, аларның счетларына кергән 24 млн сумга якын акчаны, шулай ук 980 мең сум күләмендә «Лада Нива» бәясен түләткәннәр. Хөкем карары әлегә законлы көченә кермәгән.
Фото: "Объединенная пресс-служба судов РБ / телеграм-канал"
Нәтиҗәдә муниципалитет башлыгы аукционда төзелеш фирмасының җиңүен тәэмин итә, ә төзүче милеккә милек хокукын тапшыра. Җинаятьчел керемне конспирацияләү һәм легальләштерү өчен Шәмсетдинов арадашчыга фатирларга милек хокукларын - ышанычлы затларга, ә соңыннан үз туганнарына рәсмиләштерергә кушкан.
Гаепләнүче гаебен өлешчә таныды. Аны гаепле дип таныдылар һәм 9 ел 6 айга ирегеннән мәхрүм итү, бишләтә ришвәт күләмендә, ягъни 20 млн 325 мең сум штраф, сигез елга урындагы үзидарә органнарында хакимият вәкиле функцияләрен башкару, оештыру-боерык бирү һәм административ-хуҗалык вәкаләтләрен башкару белән бәйле вазыйфаларны биләү хокукыннан мәхрүм итү рәвешендә җәза билгеләделәр.
Республика прокуратурасы дәгъвасы буенча элекке түрәдән һәм аның туганнарыннан дәүләт кеременә Уфада һәм Мәләвездә расланмаган керемнәргә сатып алынган, аларның счетларына кергән 24 млн сумга якын акчаны, шулай ук 980 мең сум күләмендә «Лада Нива» бәясен түләткәннәр. Хөкем карары әлегә законлы көченә кермәгән.
Фото: "Объединенная пресс-служба судов РБ / телеграм-канал"
Новости партнеров