+13 °С
Облачно
Хокук
28 Апреля , 11:15
Уфа мэры Ратмир Мәүлиев тоткарланган
Ул вазыйфа вәкаләтләрен арттыруда, аеруча зур күләмдә ришвәт алуда шикләнелә.
Уфа мэры Ратмир Мәүлиев тоткарланган
Мэрдан тыш, шундый ук җинаятьләрдә аның якын даирәсе — ике урынбасары һәм Уфа шифаханәсе директоры гаепләнә, дип хәбәр итә Башкортстан Республикасы буенча Тикшерү комитеты матбугат хезмәте.
Тикшерү версиясе буенча, түрәләр Уфа шифаханәләренең берсендә урнашкан 1300 кв.м мәйданлы җир участогын законсыз тартып алуны оештырган.
Былтыр хакимият башлыгы, үз вәкаләтләрен кулланып, төзелеш оешмасы вәкиленнән гомум химаячелек өчен милек характерындагы хезмәтләр күрсәтү рәвешендә ришвәт бирүне таләп иткән. Аерым алганда, сүз төзүче акчалары хисабына әлеге җир участогын сатып алу, аның бәясе 13 миллион сумнан артып киткән, аннары хокукларны шәһәр башлыгы мәнфәгатьләрендә рәсмиләштерү турында бара.
Җинаятьчел эшчәнлек төбәк Тикшерү комитеты тикшерүчеләре тарафыннан ачыкланган һәм чикләнгән. Алар инде сорау алулар, тентүләр уздырган. Дәлилләү базасын җыю һәм ныгыту, шулай ук югары түрәләрнең хокукка каршы эшчәнлегенең өстәмә эпизодларын билгеләү дәвам итә. Аларга карата чик кую чарасын сайлау мәсьәләсе хәл ителә.
Фото: нтв.ру
