-19 °С
Болытлы
Гәзиткә язылуVKOKTikTokINSTAGRAM
Барлык яңалыклар
Мәдәният һәм сәнгать
12 ноябрь 2014, 20:49

Милли мәдәният зур кызыксыну уятты

Мәскәүнең Үзәк рәссамнар йортында 31 октябрьдән 6 ноябрьгә кадәр Урыс географик җәмгыятенең беренче фестивале үтте. Анда илнең һәр төбәгеннән иҗат коллективлары, шул исәптән Башкортстанның Милли музее һәм “Далан” фольклор-эстрада төркеме катнашты.

Урыс географик җәмгыятен 1845 елда император Николай I төзеткән. Бүген исә бу җәмгыятьнең Русиянең 83 төбәгендә бүлекчәләре эшли. 2009 елда җәмгыять президенты булып Сергей Шойгу сайланган иде. 2010 елда исә попечительлек советы төзелде һәм аңа Президент Владимир Путин җитәкчелек итә башлады.
Мондый фестиваль Мәс­кәүдә беренче тапкыр оештырылды. Җәмгыять Русиянең һәр төбәгенең истәлекле урыннарын үз эченә сыйдырырга тырышкан. Фестивальнең һәр көне аерым бер темага — экспедицияләргә, тикшере­нүләргә, табигатьне саклауга, фәнгә, төбәкләргә һәм Урыс географик җәмгыятенең партнерларына багышланды. Чара кунаклары — күренекле сәяхәтчеләр, галимнәр, фотографлар, телевизион тапшырулар алып баручылар төрле лекцияләр һәм презента­цияләр үткәрде.
Башкортстан экспозициясен элекке көнкүреш әйберләре, кул эшләре белән бизәлгән тирмә таныштырды. Экспозициядә кул эшләре осталары сәйлән, киез белән эшләү буенча осталык дәресләре күрсәтте. “Далан” төркеме җитәкчесе, республиканың халык артисты Артур Туктагулов Башкортстан дәүләт филармониясе режиссеры Илшат Фәхрет­динов белән берлектә концерт әзерләгәннәр иде. Анда рес­публиканың милли мәдәнияте тулы чагылыш тапты.