-18 °С
Болытлы
Гәзиткә язылуVKOKTikTokINSTAGRAM
Барлык яңалыклар
Мәдәният һәм сәнгать
28 апрель 2015, 23:10

Серле сандык кебек ул... Тукай калдырган мирас

Быелгы республика конкурс-фестивале дә яңа исемнәр ачты.Белүебезчә, Тукай — әдәби феномен гына түгел. Ул — милләтебез үсешендә мөһим бер этап, милли байлыгыбыз, әхлакый һәм эстетик нигезләрне булдыручы. Мифтахетдин Акмулла исемендәге Башкортстан дәүләт педагогия университетында узган “Тукай моңнары” конкурс-фестиваленең йомгаклау өлешендә нәкъ шул хакта сүз барды. Шагыйрьнең кабатланмас иҗатының, әсәрләрендәге тирән тормыш фәлсәфәсенең киләчәк буыннарга рухи кыйбла булып торуы кат-кат ассызыкланды.

Әлбәттә, Тукайның иҗаты киң өйрәнелә. Аның шигырьләре белән сабыйларның теле ачыла, поэтик гәүһәрләрен барлап фәнни хез­мәтләр языла. Тик менә гаҗәп: ачылган саен ачыла шагыйрь, шигъ­рияте дә эчеп туймас саф чишмә кебек.
“Тукай моңнары” республика конкурс-фестивале инде өченче тапкыр уза. Сәнгатьле укучылар бәйгесен оештыручылар — респуб­ликаның Мәгариф министрлыгы, Башкортстан татарлары төбәк милли-мәдәни автономиясе, Мәктәп балаларының сәләтен үстерү үзәге, Башкортстан дәүләт педагогия университетының татар теле һәм әдәбияты кафедрасы.