-10 °С
Болытлы
Гәзиткә язылуVKOKTelegramЯRus
Барлык яңалыклар

Сугыш чынбарлыгы чагыла

Илебез Бөек Җиңүнең 70 еллыгын бәйрәм итте. Михаил Шолохов әйткәнчә, совет солдаты Бөек Ватан сугышында үзенең батырлыгын, көчле рухын тулысынча күрсәтте, үзен бөтен дөньяга танытты. Кызганычка каршы, бүген Җи­ңүче­ләрнең данын тапларга тырышучылар күбәеп китте. Кайчандыр безне ут-дәһшәттән, үлемнән саклап калучылар бүген үзләре яклауга мохтаҗ. Җиңү хакын, җиңүчеләр­нең якты рухын, исемен, намусын яклау — безнең изге бурычыбыз.

Уфа “Нур” татар дәүләт театры, хәтер чылбырын дәвам итеп, “Җиңү төсе язларда” дип исемләнгән әдәби-музыкаль тамаша әзерләде. Программада төрле спектакльләрдән өзекләр, халык җырлары, реквиемнар, актерлар башкаруында билгеле фронт җырлары яңгырый. Сюжет нигезенә күренекле фронтовик һәм ветеран шагыйрь-язучыларның әсәрләре салынган, аларның гаиләләренә язган хатлары кулланылган. Бөек Ватан сугышы елларына, михнәт-газапларны җиңгән халкыбызның батыр рухына Муса Җәлил, Фатих Кәрим, Гадел Кутуй, Әмирхан Еники, Мостай Кәрим, Константин Симонов, Миклай Казаков, Александр Твардов­ский, Риф Мифтаховның үлемсез әсәр­ләре аша күз салабыз. Әлеге программа агымдагы Әдәбият елы белән дә аваздаш булып тора. Сценарий авторы — Гөлнур Усманова, режиссеры — Альберт Шәйхетдинов, рәссамы — Азамат Гыйләҗев, костюмнар буенча рәссамы — Наталья Степанова, хормейстеры —Афәрим Акчурин, хореографы — Рәмизә Мөхәм­мәтшина, аранжировкалар ясаучы —Александр Карташов.
Читайте нас в