Сәвия Сираева: “Сәхнәдә иң җиңеле — яшь агызып уйнау”
Театрда аның җанлы уйнавын күргәч, бер дә сиксәнне узган актриса димәссең. Олы яшьтә эшләп йөрүенең сере — театрдан башка тормышының тулы булмавы. Әйе, тамашачылар да “Нур”ны ансыз күз алдына да китерә алмый. Берничә буын тамашачы өчен яраткан актриса ул. Киң диапазонлы: комедияләрдә дә, драмаларда да уңышлы уйный, озак хәтердә калырлык рольләр белән сокландыра.