+13 °С
Болытлы
Барлык яңалыклар
Мәдәният һәм сәнгать
2 июль 2016, 02:00
Кара диңгез буеннан — җиңү белән!
Уфадагы “Юла” хореография ансамбле мәртәбәле конкурста беренче дәрәҗә лауреат исемен яулады.— Әйдәгез әле, Уфаны Кара диңгез буенда танытып кайтыйк! — Яз башланып кына торган мәлдә кызымның бию түгәрәгендәге укытучысы Юлия Фәттахова шундый тәкъдим белән чыкты.
Һәм менә инде без — “Юла” хореография ансамблендә шөгыльләнүче 7-9 яшьләрдәге 12 кыз, аларның ата-аналары бер вагон тутырып Туапсе районының Ольгинка бистәсендә узачак халыкара фестивальгә китеп тә барабыз.
Ара ерак, әмма аны кыскарту юллары да бихисап: вагонда җырлар яңгырый, төрле-төрле конкурслар уза, җиңүчеләр бүләкләнә.
Поезд килеп җитүгә оештыручыларның автобуслары каршы алды. Ниһаять, чемоданнар — кунакханәдә, ә без — диңгездә!
Икенче көнне безнең коллектив белән бер үк исемдәге “Юла” фестивале тантаналы рәвештә ачылды. Мәскәү, Вологда, Рыбинск, Дзержинск, Төмән, Курск, Тверь, Караганда (Казахстан) һәм башка шәһәрләр вәкилләре белән бер колоннага тезелеп атладык. Моның өчен алдан ансамбльнең әләмен, зур бер тактага язып исемен, девизын әзерләгән идек.
Конкурс өч көн барды. Уфалылар башкорт һәм корея биюләре белән “Стильләштерелгән халык биюләре” номинациясендә ярышты һәм беренче дәрәҗә лауреат исеме яулады, гала-концертта катнашты. Жюри әгъзалары яшь биючеләрнең оста чыгыш ясауларын, чагу костюмнарын билгеләп үтте.
Конкурс караулары белән беррәттән, башка чаралар да узды. Балалар белән бергә әле генә пиратлар, әле генә миньоннар булып киендек. Әйткәндәй, ата-аналар арасында “Междусобой-2016” дип аталган аерым конкурс оештырылды. Аңлаучылар булырмы икән, дип шикләнеп булса да, татар телендә җыр башкарып сәхнәдән төшеп килгәндә, әллә күпме татар “Булдырдыгыз!” — дип, безне кул кысып каршы алды. Тырышлык бушка узмады — бу конкурста без, ата-аналар, шулай ук, беренче дәрәҗә лауреат исеме алдык. Бәйге өчен махсус әзерләнгән стена гәзитебез махсус диплом белән бүләкләнде. Яңа беренче сыйныфны тәмамлаган биючебез Индира Баталова “Мисс Юла” конкурсында катнашып, “Мисс симпатия” номинациясендә бүләкләнде.
Конкурста катнашу бик кыйммәт хакка төшеп, кесәләр шактый гына бушап калса да, Уфабызга шат күңел белән, горурланып кайтып төштек. Кызлар да, ата-аналар да туганнардай дуслашып бетте. Көн буе телефоннан, Интернет аша бер-берсенең хәлен белешәләр.
— Әйдәгез, ел башында Санкт-Петербургка барабыз! — ди бу җиңүләрдән аеруча зур канәгатьлек кичерүче хореографыбыз Юлия Абдулла кызы.
Ара ерак, әмма аны кыскарту юллары да бихисап: вагонда җырлар яңгырый, төрле-төрле конкурслар уза, җиңүчеләр бүләкләнә.
Поезд килеп җитүгә оештыручыларның автобуслары каршы алды. Ниһаять, чемоданнар — кунакханәдә, ә без — диңгездә!
Икенче көнне безнең коллектив белән бер үк исемдәге “Юла” фестивале тантаналы рәвештә ачылды. Мәскәү, Вологда, Рыбинск, Дзержинск, Төмән, Курск, Тверь, Караганда (Казахстан) һәм башка шәһәрләр вәкилләре белән бер колоннага тезелеп атладык. Моның өчен алдан ансамбльнең әләмен, зур бер тактага язып исемен, девизын әзерләгән идек.
Конкурс өч көн барды. Уфалылар башкорт һәм корея биюләре белән “Стильләштерелгән халык биюләре” номинациясендә ярышты һәм беренче дәрәҗә лауреат исеме яулады, гала-концертта катнашты. Жюри әгъзалары яшь биючеләрнең оста чыгыш ясауларын, чагу костюмнарын билгеләп үтте.
Конкурс караулары белән беррәттән, башка чаралар да узды. Балалар белән бергә әле генә пиратлар, әле генә миньоннар булып киендек. Әйткәндәй, ата-аналар арасында “Междусобой-2016” дип аталган аерым конкурс оештырылды. Аңлаучылар булырмы икән, дип шикләнеп булса да, татар телендә җыр башкарып сәхнәдән төшеп килгәндә, әллә күпме татар “Булдырдыгыз!” — дип, безне кул кысып каршы алды. Тырышлык бушка узмады — бу конкурста без, ата-аналар, шулай ук, беренче дәрәҗә лауреат исеме алдык. Бәйге өчен махсус әзерләнгән стена гәзитебез махсус диплом белән бүләкләнде. Яңа беренче сыйныфны тәмамлаган биючебез Индира Баталова “Мисс Юла” конкурсында катнашып, “Мисс симпатия” номинациясендә бүләкләнде.
Конкурста катнашу бик кыйммәт хакка төшеп, кесәләр шактый гына бушап калса да, Уфабызга шат күңел белән, горурланып кайтып төштек. Кызлар да, ата-аналар да туганнардай дуслашып бетте. Көн буе телефоннан, Интернет аша бер-берсенең хәлен белешәләр.
— Әйдәгез, ел башында Санкт-Петербургка барабыз! — ди бу җиңүләрдән аеруча зур канәгатьлек кичерүче хореографыбыз Юлия Абдулла кызы.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27