Барлык яңалыклар
Мәдәният һәм сәнгать
9 апрель 2017, 13:00

Билгеле композитор Айрат Гайсинга – 55 яшь

Айрат (чын исеме Рәит) Гайсин Әбҗәлил районының Аслай авылында 1962 елның 9 апрелендә дөньяга килә, зур крестьян гаиләсендә үсә. Музыкага сәләт әнисеннән. 11 яшендә әтисез кала һәм гаиләсенә ярдәм итү өчен колхозда эшли башлый. Үзаллы баянда уйнарга өйрәнә һәм бәләкәй чагында ук җырлар иҗат итә.

Һөнәри училищедан соң тракторчы булып эшли, армиядә хезмәт итә. 21 яшендә үзен тулысынча музыкага багышларга карар кыла.
Уфа сәнгать институтыннан соң Сибайдагы БДУ филиалында укыта. 1995 елдан республика укыту-методик үзәгендә эшли. Соңрак, Республика халык иҗаты үзәгендә эшләгәндә, зур мәдәни чаралар оештыручы була. Тарих, тел һәм әдәбият институтында фәнни хезмәткәр дә була. 2009 елдан башлап - Уфаның 7нче музыкаль мәктәбе директоры.
Бик күп билгеле әсәрләр авторы Айрат Гайсин иҗатына халык җырлары алымнары, мелодик, ритмик ачылу хас, автор эчке бай дөньясын матур көйләргә сала.
Читайте нас в