+20 °С
Облачно
Мәдәният һәм сәнгать
17 Мая 2017, 21:00
Үз моңы, үз юлы бар
Күптән түгел Нефтекамада XVI Халыкара башкорт һәм татар җыры “Дуслык моңы” фестивале үтте. Бәйгедә Башкортстаннан, БДБ илләреннән алтмышка якын кеше катнашты. Чыгыш ясаучыларны дәрәҗәле жюри бәһаләде. Иглиннан Фәһим Токымбәтов бәйгедә I дәрәҗә Дипломга лаек булды.– Җиде ел элек шушы ук бәйгедә III дәрәҗә Дипломга лаек булган идем. Быел тагын да уңышлырак чыгыш ясадым. “Уралым”, “Сибай”, “Әллүки” һәм “Китмә, сандугач” җырларын башкардым. Иҗатымны югары бәһаләгән жюри әгъзаларына, дәртләндергән тамашачыларга рәхмәт сүзләре җиткерәм.
– Фестивальнең әһәмияте чиксез зур. Бәйге онытылып баручы, сирәк яңгыраучы халык җырларына яңа сулыш өрә, аларны янә зур сәхнә түренә чыгара. Шул ук вакытта, җыр сәнгате күгендә халык җырларын яратып башкаручы яңа “йолдызлар” калка. Милләтара, төбәкара дуслык, мәдәни бәйләнешләр ныгуын да игътибарга алу мөһим. Шуңа күрә, фестиваль киләчәктә дә зур уңыш белән үтәчәк, – диде ул.
Әйткәндәй, Фәһим Токымбәтов Казанда, Уфада, Башкортстанның төрле төбәкләрендә үткән бихисап конкурсларда җиңгән, призлы урыннар яулаган. Аны концертларда, кичәләрдә, “солянкаларда” җырчы, баянчы буларак та еш күрергә мөмкин. Ул – сәхнәне, сәхнә аны үз итә. Бай тәҗрибә туплаган, остарган Фәһим Токымбәтов якын киләчәктә Башкортстан халкын концертлары белән сөендерә башларга исәп тота. Аңа бу башлангычында да уңышлар юлдаш булсын!
Әйткәндәй, Фәһим Токымбәтов Казанда, Уфада, Башкортстанның төрле төбәкләрендә үткән бихисап конкурсларда җиңгән, призлы урыннар яулаган. Аны концертларда, кичәләрдә, “солянкаларда” җырчы, баянчы буларак та еш күрергә мөмкин. Ул – сәхнәне, сәхнә аны үз итә. Бай тәҗрибә туплаган, остарган Фәһим Токымбәтов якын киләчәктә Башкортстан халкын концертлары белән сөендерә башларга исәп тота. Аңа бу башлангычында да уңышлар юлдаш булсын!
