-18 °С
Болытлы
Барлык яңалыклар
Мәдәният һәм сәнгать
31 Май 2017, 11:44
Күңелләренә тургай кунган
Республиканың “Туган тел” телевидение каналы балалар өчен “Тургай” төбәкара җыр бәйгесе үткәрде. Анда Кушнаренко, Борай, Дүртөйле, Ишембай, Бакалы, Илеш, Әлшәй районнарыннан, Нефтекама шәһәреннән килделәр.
Бәйгедә катнашырга теләүчеләр саны алтмыштан артык булса да, беренче һәм икенче турларда сайлап алулардан соң, аларның саны кимеде һәм гала-концертка 22 яшь башкаручы чакырылды.
Җырчылар арасыннан иң осталары итеп Свердловск өлкәсеннән килгән Элина Якупова һәм Уфа районы егете Марат Садрыев билгеләнде, аларга Гран-при тапшырылды. Ә 1нче урын алучыларга “Туган тел” каналының генеральный директоры Азат Вахитов бушлай клип төшерү һәм ротация хокукы бирелү турында белдерде . Иң бәхетлеләргә Лилия Вахитова үз җырларын вәгъдә итте.
Бәйрәм ахырында балаларга татлы күчтәнәчләр һәм махсус әзерләнгән торт тәкъдим ителде.
Новости партнеров