+28 °С
Болытлы
Мәдәният һәм сәнгать
15 август 2019, 07:32
"Карт бит инде син!"
Зәмирә Рәҗәпованы кимсетергә генә торалар.
Зәмирә Рәҗәпованы кимсетергә генә торалар.
Аңа төрле хәбәрләр язалар. Бу хәбәрне ул Инстаграмдагы сәхифәсендә күрсәтте.
"Синең белән ирең йокламыйдыр да, карт бит син", - дип язган аңа бер кеше.
Зәмирә үзе аптырап тормаган. "Юк, йокламый. Минем белән йокыга китеп булмый", - дип җавап кайтарган ул.
"Уф, кешеләр, ник сез шундый", - дип көрсенә Зәмирә.
Инстачылар, нигә мондый хәбәрне челтәргә куясың, язар әйбер беткәнмени, дип сорый. "Үзең укыгач җитмәгәнмени, бөтен кеше белү мәҗбүри түгел бит", - дип яза бер инстачы.
"Бик кызмагыз әле, бу бит уйдырма, язылучыларны активлаштыру өчен", - дип фаразлый башка берәү.
Зәмирә сорауларга җавап биргән. "Күз алдыгызга да китермисез, шундый хәбәрләрнең күпмесен урап узам мин. Ләкин монысына күз йома алмадым", - ди ул.
Инстачылар шундый хәбәр язган кешенең фотосын куюны сорый, аны "бәхетсез" дип язалар. Бу язмаларны "Интертат" укыган.
