+21 °С
Болытлы
Мәдәният һәм сәнгать
22 октябрь 2019, 07:03
Фирдүс Тямаев икенчегә өйләнә?
Әнә бит концертында шулай дип әйтеп тора.
Әнә бит концертында шулай дип әйтеп тора.
Фирдүс Тямаев соңгы концертында икенче тапкыр өйләнә язган. Концертның бер мизгелен видеога төшереп алып, Фирдүс инстаграм тасмасына урнаштырган. Анда бер хатын Фирдүсне кысып-кысып кочаклый.
Концертта ни генә булып бетмәс. Артистына күрә тамашачысы дигәндәй, шулай ук шаяручан, үзенчәлекле юморлы. Видеода Фирдүсне кочаклаган хатын-кыз да шундыйдыр, мөгаен.
Җырчының хатын-кыз каты кочаклаганына исе китми. Ул бер дә каушап калмады, шаяруга борды, кызның хәтерен калдырмады: «Можно монда калырга, димәк? Тукта, концерт бетсен инде, аннан соң хәл итәрбез, аңладым мин сине. Бигрәк горячий син, күз тимәсен, тьфу-тьфу!», – дип шаярта.
Юморны аңламаучылар да шактый, хатын-кызны яклаган кеше дә бар. Ә Сез ничек уйлыйсыз, үз-үзеңне болай тоту ярыймы икән?
