Мондый спектакль Башкортстанда беренче тапкыр куела

Мәҗит Гафури исемендәге Башкорт дәүләт академия драма театры бүген узган матбугат конференциясендә гадәти булмаган проект өстендә эшли башлау турында игълан итте. Театрның баш режиссеры Айрат Абушахманов башкорт театры тарихында беренче тапкыр пластик спектакль куячак. Николай Крашенинниковның башкорт кызы турында 1915 елда язылган «Амель» романы нигез итеп алына. Бүген театр әсәрне укырга кереште.

"Амеля" - урыс дворян мохитендә тәрбияләнгән ятимә башкорт кызының тарихы. Абушахманов анда башкорт Наташа Ростовасының үсеп килү тарихын күрә. Режиссерга материалны театрның әдәбият бүлеге мөдире Азалия Балгазина тәкъдим иткән, ул прозаик әсәргә инсценировка эшләгән.

Башкорт сәхнәсендә пластик спектакль жанрында беренче спектакль куюны режиссер хореограф, «Алтын битлек» иясе Алинә Мостаева белән бүлешәчәк.

Хореограф моны драмбалет түгел, ә пластик эссе булачак, дип ассызыклый. Спектакльдә оркестр һәм солистлар башкаруындагы музыка мөһим урын алып торачак. Сәхнәгә кую командасында — Санкт-Петербургтан композитор Олег Гудачев. Спектакльнең партитурасына милли мотивлар кертү планлаштырыла. Спектакльнең рәссамы - театрның баш рәссамы Альберт Нестеров.

Спектакльне театрның Зур сәхнәсендә кую планлаштырыла. Премьераның датасы әлегә билгеләнмәгән.

Фото: Валерий Шахов