+21 °С
Болытлы
Мәдәният һәм сәнгать
11 сентябрь 2020, 11:40
Мар. Сәлим Борайга кайтты
Рәүфәə Галиева исемендәге район мәдәният йортында күренекле язучы-сатирик, шагыйрь, журналист һәм җәмәгать эшлеклесе Марсель Сәлимовның иҗат кичәсе узды.
Рәүфәə Галиева исемендәге район мәдәният йортында күренекле язучы-сатирик, шагыйрь, журналист һәм җәмәгать эшлеклесе Марсель Сәлимовның иҗат кичәсе узды. Залда утырган якташларын – билгеле мәдәният һәм мәгариф хезмәткәрләрен тәбрикләп, Марсель Шәйнур улы бу очрашуны Борай районының 90 еллыгына багышлавын әйтте һәм моннан утыз ел элек язган һәм җырга әйләнгән “Кайтам әле Борайга” шигыре белән кичәне ачып җибәрде. Ул якташларының, дусларының, “Һәнәк” журналында бергә эшләгән хезмәттәшләренең тормышыннан кызыклы хәл-вакыйгаларны хәтергә алып үтте, истәлекле фотолар күрсәтте. Шагыйрьнең әнисе – хезмәт һәм тыл ветераны, уңган колхозчы Файза апа, әтисе — Бөек Ватан сугышы яугире, кыю һәм гадел сүзле авыл хәбәрчесе Шәйнур абый турында җырлар яңгырады. Якташлары Мар. Сәлимнең туган якка багышланган шигырьләрен тәэсирләнеп тыңлады.
Сәхнәдәге зур экранда, академик Гайса Хөсәенов әйтмешли, “мәшһүр көләссик”нең юбилей кичәләреннән видеоөзекләр күрсәтелде, анда Башкортстанның һәм Татарстанның халык шагыйрьләре Мостай Кәрим, Равил Бикбаев һәм Роберт Миңнуллиннарның чыгышлары, башкорт эстрадасы осталары Әхәт Уразмәтов (Кәтүк), Гөлсем Хәбибуллина, Вәлит Илембәтов, Гөлзәмия Ситдыйковаларның көлкеле тамашалары күрсәтелде.
Район үзәк китапханәсе Мар.Сәлим китапларыннан күргәзмә оештырды. Үзәкләштерелгән китапханәләр системасының баш методисты Ирина Исмәгыйлева: “Укучылар Марсель Сәлимовны күңелле юморы һәм үткер сатирасы өчен яраталар. Безнең китапханәләр фондында аның барлык китаплары да бар”, – диде.
Язучы-сатирик бу юлы да район китапханәләренә Мәскәүдә – урыс, Казанда – татар һәм Лондонда инглиз телләрендә басылган яңа китапларын бүләк итте. Быел “Китап” нәшриятында башкорт телендә аның сатирик повесть һәм комедияләр җыентыгы – “Сайланган-җайланган әсәрләр” тезмәсенең “Тишекле таш” дигән беренче китабы дөнья күрәчәк. Бу китапка кереш сүзне башкорт әдәбияты белгече, тәнкыйтьче, филология фәннәре кандидаты Зәки Әлибаев язган. Ул бик күп халыкара премияләргә лаек булган Мар. Сәлимне “юмор илчесе” дип атаган.
Чарада Дәүләт җыелышы – Корылтай депутаты, Язучылар берлеге рәисе Зәки Әлибаев, Борай районы хакимияте башлыгы Рөстәм Исхаков һәм аның беренче урынбасары Гемир Нуртдинов чыгыш ясадылар.
Рөстәм Исхаков: “Безнең атаклы якташыбыз тормышында һәм иҗатында нинди генә биеклекләргә ирешмәсен, һәрвакыт туган ягының патриоты булып кала. Аның кече Ватаны белән ныклы иҗади бәйләнеше бар. Марсель Сәлимов әсәрләре юморның мәзәк кенә түгел, гыйбрәтле дә икәнлегенә ачык мисал булып тора. Туган якка кайтып, кызыклы очрашулар оештырганы өчен рәхмәт аңа!” – диде.
Район хакимияте башлыгы Марсель Сәлимовка һәм Зәки Әлибаевка район оешуның 90 еллыгына багышланган “Борай районы: игелек һәм икмәк җире” дигән китапны бүләк итте һәм аларны юбилей чараларына чакырды.
Марсель Сәлимовның беренче язмасы Борай районы гәзитендә 1961 елда басылып чыга. Ә 15 яшендә (1964) ул “Алга” гәзите үткәргән очерклар конкурсында җиңүче була.
Маргарита ГЫЙМАҖЕТДИНОВА.
Борай районы.
Сәхнәдәге зур экранда, академик Гайса Хөсәенов әйтмешли, “мәшһүр көләссик”нең юбилей кичәләреннән видеоөзекләр күрсәтелде, анда Башкортстанның һәм Татарстанның халык шагыйрьләре Мостай Кәрим, Равил Бикбаев һәм Роберт Миңнуллиннарның чыгышлары, башкорт эстрадасы осталары Әхәт Уразмәтов (Кәтүк), Гөлсем Хәбибуллина, Вәлит Илембәтов, Гөлзәмия Ситдыйковаларның көлкеле тамашалары күрсәтелде.
Район үзәк китапханәсе Мар.Сәлим китапларыннан күргәзмә оештырды. Үзәкләштерелгән китапханәләр системасының баш методисты Ирина Исмәгыйлева: “Укучылар Марсель Сәлимовны күңелле юморы һәм үткер сатирасы өчен яраталар. Безнең китапханәләр фондында аның барлык китаплары да бар”, – диде.
Язучы-сатирик бу юлы да район китапханәләренә Мәскәүдә – урыс, Казанда – татар һәм Лондонда инглиз телләрендә басылган яңа китапларын бүләк итте. Быел “Китап” нәшриятында башкорт телендә аның сатирик повесть һәм комедияләр җыентыгы – “Сайланган-җайланган әсәрләр” тезмәсенең “Тишекле таш” дигән беренче китабы дөнья күрәчәк. Бу китапка кереш сүзне башкорт әдәбияты белгече, тәнкыйтьче, филология фәннәре кандидаты Зәки Әлибаев язган. Ул бик күп халыкара премияләргә лаек булган Мар. Сәлимне “юмор илчесе” дип атаган.
Чарада Дәүләт җыелышы – Корылтай депутаты, Язучылар берлеге рәисе Зәки Әлибаев, Борай районы хакимияте башлыгы Рөстәм Исхаков һәм аның беренче урынбасары Гемир Нуртдинов чыгыш ясадылар.
Рөстәм Исхаков: “Безнең атаклы якташыбыз тормышында һәм иҗатында нинди генә биеклекләргә ирешмәсен, һәрвакыт туган ягының патриоты булып кала. Аның кече Ватаны белән ныклы иҗади бәйләнеше бар. Марсель Сәлимов әсәрләре юморның мәзәк кенә түгел, гыйбрәтле дә икәнлегенә ачык мисал булып тора. Туган якка кайтып, кызыклы очрашулар оештырганы өчен рәхмәт аңа!” – диде.
Район хакимияте башлыгы Марсель Сәлимовка һәм Зәки Әлибаевка район оешуның 90 еллыгына багышланган “Борай районы: игелек һәм икмәк җире” дигән китапны бүләк итте һәм аларны юбилей чараларына чакырды.
Марсель Сәлимовның беренче язмасы Борай районы гәзитендә 1961 елда басылып чыга. Ә 15 яшендә (1964) ул “Алга” гәзите үткәргән очерклар конкурсында җиңүче була.
Маргарита ГЫЙМАҖЕТДИНОВА.
Борай районы.
