Кырмыскалылылар Журналистлар берлегенә кабул ителде

Кырмыскалы районының берсеннән-берсе талантлы тагын өч кешесе Русия һәм Башкортстан Журналистлар берлекләренә кабул ителде. Таныклыкларны аларга республиканың Журналистлар берлеге рәисе Вәдүт Исхаков үзе тапшырды.

Җомга көнен юкка гына изге димиләрдер. Байтак кына күркәм чаралар нәкъ шушы көнгә туры китерелеп оештырыла. Менә бүген дә Кырмыскалы мәгълүмат үзәгендә тантаналы чара үтте: тагын да өч якташыбыз – район басмасының штаттан тыш хәбәрчеләре - Русия һәм Башкортстан Журналистлар берлекләренә кабул ителде. Таныклыкларны Башкортстанның Журналистлар берлеге рәисе Вәдүт Исхаков үзе тапшырды.

Кырмыскалының башлангыч журналистлар оешмасы – республикада иң күпсанлыларның берсе. Районда нәшер ителүче “Кармаскалинская новь», “Үзән”, “Даирә” гәзитләре редакциясе хезмәткәрләре генә түгел, басмалар белән актив хезмәттәшлек итүчеләр дә Журналистлар берлеге сафын елдан-ел тулыландырып тора. Бүген бу башлангыч оешмага тагын да берсеннән-берсе талантлы өч кеше өстәлеп, Кырмыскалыда мондый таныклыкка ия булучылар саны 29га җитте.

Бүген кулларына яңа таныклык алучыларның төп эшчәнлеге журналистика белән бәйле булмаса да, алар дистә еллар дәвамында район басмасы белән актив хезмәттәшлек итә. Шуларның берсе – 35 ел гомерен балаларга белем һәм тәрбия бирүгә багышлап, "Башкортстанның атказанган укытучысы" исеменә лаек булган һәм хәзерге вакытта мәдәният өлкәсендә эшләп йөрүче Гүзәлия Гыйззәтуллина. Аның эчтәлекле мәкаләләре, тормышчан хикәяләре, хискә бай шигырьләре беркемне дә битараф калдырмый.

Зәки Бикбаев – “Яшь армияче” җәмәгать хәрәкәтенең район штабы начальнигы, М. Шәйморатов исемендәге хәрби-патриотик клуб җитәкчесе, укытучы. Шуңа да Зәки Әхмәт улының мәкаләләре, башлыча, патриотик темага багышланган.

Елена Сәгадиева – Прибельский авылындагы Балалар һәм үсмерләр техник иҗат үзәге директоры. Соңгы елларда ул үзе эшләгән үзәкнең генә түгел, авыл биләмәсенең тормыш-көнкүрешен дә яктыртып килә.

Вәдүт Гайфулла улы, берлек сафына алынучыларны ихлас котлап, киләчәктә дә актив эшчәнлек итүләрен теләде һәм райондагы гына түгел, республикадагы матбугат басмалары белән дә хезмәттәшлек итәргә чакырды.

Шулай ук Вәдүт Исхаков очрашу барышында берлекнең эше һәм киләчәккә планнары белән дә уртаклашты.

Фото: Эльвира Ямалетдинова.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27