+24 °С
Яңгыр
Мәдәният һәм сәнгать
8 апрель 2021, 09:15
Юграда башкорт мәдәнияте һәм мәгарифе көннәре уза
7-10 апрель көннәрендә Ханты-Манси автономияле округында - Юграда башкорт мәдәнияте һәм мәгарифе көннәре уза.
7-10 апрель көннәрендә Ханты-Манси автономияле округында - Юграда башкорт мәдәнияте һәм мәгарифе көннәре уза.
Чаралар Түбән Варт, Лянтор шәһәрләрендә һәм Түбән Сортымский бистәсендә планлаштырылган. Бүген Түбән Вартның милли мәдәният үзәгендә Бөтендөнья башкорт корылтае вәкилләренең башкорт иҗтимагый оешмалары җитәкчеләре һәм активистлары, ата-аналар җәмгыяте белән очрашуы булды.
Башкортстаннан килгән делегация җитәкчесе, Бөтендөнья башкорт корылтае башкарма комитеты рәисе Галим Якупов Бөтендөнья башкорт корылтае тарафыннан игълан ителгән Башкорт тарихы елында башкарылган һәм планлаштырылган эшләре белән таныштырды. Тематик ел кысаларында республиканың төньяк-көнбатыш районнарында аншлаг белән уза торган ырулар съездлары оештырыла. «Шәйморатлылар» проекты дәвам итә, аның максаты - легендар Башкорт кавалерия дивизиясе сугышчыларының исемнәрен мәңгеләштерү. Шулай ук ул «Аек авыл» конкурсы турында сөйләде. 2020 ел йомгаклары буенча бүләкләү тантанасы иртәгә Уфаның Конгресс-холл бинасында Башкортстан Башлыгы Радий Хәбиров катнашлыгында узачак.
Бөтендөнья башкорт корылтае Аппараты җитәкчесе Рөстәм Баянов милләттәшләр күпләп яши торган Русия Федерациясе төбәкләрендә үткәрелүче башкорт мәдәнияте һәм мәгарифе көннәренә тукталды. Рөстәм Сәлим улы Ханты-Манси автономияле өлкәсенә - Юграга бару кысаларында планлаштырылган чаралар турында җентекләп сөйләде һәм бергәләп, тату яшәргә чакырды.
Башкортстан Мәгариф һәм фән министрлыгы бүлеге начальнигы Илдус Каһарманов Русия регионнарында башкорт телен өйрәнү өлкәсендә хәлләр белән таныштырды. Мәсәлән, берәр төбәкнең башкорт теле укытучысына ихтыяҗы туса, педагогик белемле һәр кеше Уфада Башкортстан хисабына квалификация күтәрү курсларын уза ала.
Ватандашларга ярдәм итүнең тагын бер программасы - Уфадагы 1нче мәктәп яны лагерена балаларны чакыру, анда алар ике атна яшәячәк һәм башкорт мәдәнияте һәм тарихы белән танышачак.
Шагыйрә, «Акбүзат» журналы баш мөхәррире, Башкорт корылтае башкарма комитеты әгъзасы Лариса Абдуллина утырышта катнашучыларны вахтачы якташларыбыз турында шигырь белән сәламләде. Ул балалар журналы турында сөйләде һәм балаларны туган телендә укырга өйрәтергә чакырды.
Башкортстаннан килгән делегация, шулай ук, Түбән Вартның туган якны өйрәнү музеенда булды, шуннан соң «Арена» ФОКында традицион җәядән ук ату буенча осталык дәресе узды. Аны Башкортстанның атказанган мәдәният хезмәткәре Рәис Низаметдинов үткәрде.
Башкорт мәдәнияте һәм мәгарифе көннәре республика Башлыгы грантына Башкортстан Гражданлык җәмгыятенә ярдәм фонды кул астында гамәлгә ашырыла.
Фото: bashinform.ru
Чаралар Түбән Варт, Лянтор шәһәрләрендә һәм Түбән Сортымский бистәсендә планлаштырылган. Бүген Түбән Вартның милли мәдәният үзәгендә Бөтендөнья башкорт корылтае вәкилләренең башкорт иҗтимагый оешмалары җитәкчеләре һәм активистлары, ата-аналар җәмгыяте белән очрашуы булды.
Башкортстаннан килгән делегация җитәкчесе, Бөтендөнья башкорт корылтае башкарма комитеты рәисе Галим Якупов Бөтендөнья башкорт корылтае тарафыннан игълан ителгән Башкорт тарихы елында башкарылган һәм планлаштырылган эшләре белән таныштырды. Тематик ел кысаларында республиканың төньяк-көнбатыш районнарында аншлаг белән уза торган ырулар съездлары оештырыла. «Шәйморатлылар» проекты дәвам итә, аның максаты - легендар Башкорт кавалерия дивизиясе сугышчыларының исемнәрен мәңгеләштерү. Шулай ук ул «Аек авыл» конкурсы турында сөйләде. 2020 ел йомгаклары буенча бүләкләү тантанасы иртәгә Уфаның Конгресс-холл бинасында Башкортстан Башлыгы Радий Хәбиров катнашлыгында узачак.
Бөтендөнья башкорт корылтае Аппараты җитәкчесе Рөстәм Баянов милләттәшләр күпләп яши торган Русия Федерациясе төбәкләрендә үткәрелүче башкорт мәдәнияте һәм мәгарифе көннәренә тукталды. Рөстәм Сәлим улы Ханты-Манси автономияле өлкәсенә - Юграга бару кысаларында планлаштырылган чаралар турында җентекләп сөйләде һәм бергәләп, тату яшәргә чакырды.
Башкортстан Мәгариф һәм фән министрлыгы бүлеге начальнигы Илдус Каһарманов Русия регионнарында башкорт телен өйрәнү өлкәсендә хәлләр белән таныштырды. Мәсәлән, берәр төбәкнең башкорт теле укытучысына ихтыяҗы туса, педагогик белемле һәр кеше Уфада Башкортстан хисабына квалификация күтәрү курсларын уза ала.
Ватандашларга ярдәм итүнең тагын бер программасы - Уфадагы 1нче мәктәп яны лагерена балаларны чакыру, анда алар ике атна яшәячәк һәм башкорт мәдәнияте һәм тарихы белән танышачак.
Шагыйрә, «Акбүзат» журналы баш мөхәррире, Башкорт корылтае башкарма комитеты әгъзасы Лариса Абдуллина утырышта катнашучыларны вахтачы якташларыбыз турында шигырь белән сәламләде. Ул балалар журналы турында сөйләде һәм балаларны туган телендә укырга өйрәтергә чакырды.
Башкортстаннан килгән делегация, шулай ук, Түбән Вартның туган якны өйрәнү музеенда булды, шуннан соң «Арена» ФОКында традицион җәядән ук ату буенча осталык дәресе узды. Аны Башкортстанның атказанган мәдәният хезмәткәре Рәис Низаметдинов үткәрде.
Башкорт мәдәнияте һәм мәгарифе көннәре республика Башлыгы грантына Башкортстан Гражданлык җәмгыятенә ярдәм фонды кул астында гамәлгә ашырыла.
Фото: bashinform.ru
