"Театраль Идел буе" җиңүчеләрен бүләкләделәр

Ижауда "Театраль Идел буе" фестиваленең 2021-22 еллардагы яңа театр сезоны башлануга старт бирелде.

Бүген Ижауда Удмуртия Республикасының милли дәүләт театрында «Театраль Идел буе» фестивале җиңүчеләрен бүләкләү тантанасы узды. Чарада Русия Президентының Идел буе федераль округындагы Тулы вәкаләтле вәкиле Игорь Комаров, Удмуртия Республикасы Башлыгы Александр Бречалов, театр һәм җәмәгать эшлеклеләре, педагоглар, проектның генераль партнеры вәкилләре катнашты. Трансляцияне Русия Мәдәният министрлыгының федераль порталында карарга мөмкин иде.
Яшьләр һәм балалар коллективлары арасында җиңүчеләрне бүләкләү 6 номинациядә узды, афишалар конкурсы призерлары билгеләнде, Чуваш Республикасы театр коллективының «Абрикос бакчасы» спектакле күрсәтелде. Герберт Уэллс повесте буенча аның «Сукырлар иле» спектакле яшьләр театрларының иң яхшы куелышы дип танылды, шулай ук «Иң яхшы режиссерлык эше», «Иң яхшы актер», «Иң яхшы актриса» номинацияләрендә билгеләп үтелде.
2020-21 еллар сезонында фестивальдә Идел буе федераль округының барлык төбәкләреннән 416 театр коллективы: 157 яшьләр һәм 256 мәктәп театры катнашты. Конкурста катнашкан актерлар саны - 5000гә якын кеше.
Проект яшьләр театр сәнгатен популярлаштыруга һәм яшьләрнең мәдәни күзаллауларын киңәйтүгә, үзешчән театр коллективларына ярдәм итүгә һәм аларны үстерүгә юнәлтелгән.

Фото: deti-nn.ru