Барлык яңалыклар

Земфира татарча да җырлый башлаган!

Соңгы альбомына ул әнисе яратып башкарган җырны да керткән.

Уфада туып-үскән популяр җырчы Земфира Рамазанова күптән түгел "Северный ветер" альбомын чыгарды, анда Рената Литвинованың шул ук исемдәге фильмына саундтрек керде. Моннан тыш, җыентыкта җырчының әнисе җырлаган җыр да бар.
Альбомны «Фло» фантасмагорик трегы тәмамлый, аның нигезенә «Җырым сиңа кучтәнәч» татар халык җыры да кертелгән. Саундтрек нәтиҗәдә триллерга әверелә торган әкият буларак башлана. Шул ук вакытта җыр реверсив (кире) юнәлештә яңгырый, бу композициянең гадәти булмаган юнәлеше булачак. Җырда хатын-кыз тавышы яңгырый.
Социаль челтәрләр кулланучылары, "Фло" Земфираның әнисенә, Флорида Рамазановага ишарәли, дип аңлатма бирә. Ул 12 апрельдә туган, саундтрек та шул көнне чыккан.
Земфираның әнисе 2015 елда 69нчы яшендә дөньядан китте. Флорида Хаккый кызын 2009 елда Уфаның Төньяк зиратында җирләделәр. Земфираның әтисенең кабере дә шушы ук җирдә урын алган.
Фото: gubdaily.ru