+12 °С
Ачык
Гәзиткә язылуVKOKTelegramЯRus
Барлык яңалыклар

"Бу кино - батырлык һәм фидакарьлек өчен бүләк"

Башкаланың "Родина" кинотеатрында "Уфа – Хезмәт батырлыгы шәһәре" документаль фильмының премьерасы күрсәтелде. Ул шулай ук Youtub каналына да чыкты.

Башкаланың "Родина" кинотеатрында "Уфа – Хезмәт батырлыгы шәһәре" документаль фильмының премьерасы күрсәтелде. Ул шулай ук Youtub каналына да чыкты.

«Уфа – Хезмәт батырлыгы шәһәре» фильмы Русия Президенты гранты, шулай ук рәсми затлар һәм республиканың гади кешеләре ярдәмендә төшерелгән. Бу - уфалылар турында уен киносы элементлары белән төшерелгән документаль картина. Анда тылдагы кешеләрнең тормышы һәм эше, аларның язмышлары һәм батырлыклары күрсәтелгән.
«Узган ел Владимир Путин үзенең указы белән Уфага Хезмәт батырлыгы һәм дан шәһәре мактаулы исемен бирде. Бу картинаны булдыру өчен башлангыч нокта булды. Тиздән без аны республика кинотеатрларында, үзебезнең телеканалларда, социаль челтәрләрдә күрсәтәчәкбез. Уфада бронепоездлар төзелеше турында биш киновелла-фильмның берсен карагыз. Бу дошманга каршы бик көчле корал булган. Республика башкаласында барлыгы шундый дүрт бронепоезд төзелә. Авторларга - афәрин!" - Башкортстан Башлыгы Радий Хәбиров социаль челтәрләрдәге битендә шулай язды.
Кинокартинаның премьерасыннан соң тамашачыларга бушлай һәм сроксыз карау өчен кереп була.
"Фильм миңа ихласлыгы белән ошады, балачак хатирәләре яңарды. Фильмда профессиональ булмаган актерлар төшсә дә, картинаның авторлары ул елларның атмосферасын бирә, безнең кешеләрнең хезмәт батырлыгын күрсәтә алган. Мин үзем 1947 елда туганмын, сугыштан соңгы елларны, ничек авыр булуын, тормышның ничек тернәкләндерелүен хәтерлим. Әтием - фронтовик, ул бөтен сугышны узган һәм аны Кенигсбергта тәмамлаган. Әни тылда эшли, сугыш буе фронт өчен кием тегә. Фильмда безнең Уфа нефть университеты турында да әйтелә, ул Мәскәүдән нефть вузын эвакуацияләү нәтиҗәсендә оештырылган. Аның тарихы белән минем гаиләм тарихы да бәйле, шуңа күрә болар барысы да безгә якын һәм күңелгә үтеп кереп, аны кузгатты. Безнең тарихны, тылда Бөек Җиңү өчен ничек тырышлык салганнарын белсеннәр өчен фильмны студентларга һәм укучыларга күрсәтергә кирәк», — дип тәэссоратлары белән уртаклашты УДНТУның президенты, Уфаның шәрәфле шәхесе Айрат Шаммазов.
Ул Уфа күптән «Хезмәт батырлыгы шәһәре» статусын алуга лаек дип саный һәм аны алу өчен «Бердәм Русия» партиясе бик күп эш башкарды, дип белдерә. Ул иҗтимагый оешмалар белән бергә шәһәр халкы арасында имзалар җыю оештырды.
- "Бердәм Русия" һәм энтузиастлар төркеме бу мәсьәлә белән ел ярым шөгыльләнде. Бай архив материалы тупладык. Ә мәгълүматны бөртекләп җыйдык, ветераннар белән әңгәмә кордык. Бүләк алу өчен документлар тапшыргач, Уфа — статистика, архив мәгълүматлары белән ныгытылган материаллар әзерләгән бердәнбер шәһәр, - дип әйттеләр.
Айрат Шаммазов билгеләп үткәнчә, бу - чыннан да, Бөек Ватан сугышы елларында якташларыбызның батырлыгы һәм фидакарьлеге өчен лаеклы бүләк.
"Меңләгән кеше Башкортстанга илебезнең көнбатыш өлешеннән эвакуацияләнде. Дистәләрчә эвакуацияләнгән предприятие биредә үз эшләрен яңадан башлап җибәрде. Шулай ук җиңү яулауда нефть химиясе һәм нефть эшкәртү зур роль уйнады, алар Уфада ныклы үсеш алды».

Фото: Зөһрә Исламова


Читайте нас в