-14 °С
Болытлы
Барлык яңалыклар
Мәдәният һәм сәнгать
28 июнь 2021, 09:21
Картаю белмәс “Җизнәкәй”!
Уфа “Нур” татар дәүләт театрында спектакльнең 15 еллыгын билгеләделәр.
Уфа “Нур” татар дәүләт театрында спектакльнең 15 еллыгын билгеләделәр.
Чын сәнгать әсәре, беләбез, вакыт белән сынала. Әйтик, Уфа “Нур” татар дәүләт театрында Хәбибулла Ибраһимовның “Җизнәкәй” музыкаль комедиясе 15 ел буена сәхнәдән төшми уйналып та популярлыгын, актуальлеген, чагулыгын, иң мөһиме, тамашачысын югалтмаган. Киресенчә, театр репертуарының асыл бизәгенә әйләнгән. Гел тулы заллар җыеп, кайнар алкышларга күмелә.
Моның сере нидә икән? Бәлки, режиссерның тамашачы күңеленә туры юл таба белүендәдер. Спектакльне Башкортстанның атказанган артисты Илдар Вәлиев сәхнәгә куйган. Әйтергә кирәк, Илдар Иршат улының һәр сәхнә җимеше дә искиткеч халыкчанлыгы, гадилеге, һәм шул ук вакытта җылылыгы, ихласлыгы белән аерылып тора. Шуның белән үзенә тарта да.
Әлбәттә, әсәрнең эчтәлеге дә мавыктыргыч. Вакыйгалар узган гасыр башында барса да, геройлар кичергән хис-тойгылар бүгенге заман кешесен дә читләтеп узмый. Мәхәббәтнең нинди сынаулар каршында да бирешмәве, байлык белән хис көрәше, аталар һәм балалар арасындагы киеренке мөнәсәбәтләр һәм тагын әллә күпме темалар күтәрелә. Уңган, тәвәккәл һәм сөю утында янган Саҗидә-Гыйззәтләр, ялкау, акча тота белмәгән Низамилар, байлыкка алданып, кызын сатып җибәрергә әзер Ганиләр, вакытында кияүгә чыга алмый калган Нәфисәләр арабызда юк дип кем әйтер?
Спектакль — әлбәттә, күмәк хезмәт белән “әвәләнгән” продукт. Аның рәссамы — Нурия Габидуллина, композиторы — Афәрим Акчурин, хореографы — Сәлимә Әминева, сәхнә утын куючы — Денис Черепанов.
“Җизнәкәй”нең тагын бер үзенчәлеге – анда бик күп артистлар катнаша. Шул дәвердә инде спектакль эчендә бик күп үзгәрешләр булды, берничә буын артисты бу әсәрдә чыныгып үсте, кемдер чыгып китте, ә кемдер, спектакленә тугры калып, 15 ел дәвамында үз ролендә һаман яши. Төп геройлар: Саҗидә ролен зур осталык белән Башкортстанның халык артисты Гөлназ Мөхәммәдиева һәм Гөлназ Биктимерова, ә аның сөеклесе Гыйззәтне театрның моңлы сандугачы, гаҗәеп талантлы артисты Вилдан Мисбахов башкара. Әсәрне чыгарганда бу рольдә Рөстәм Салихов уйнаган иде. Ике гаилә арасындагы “алдым-бирдем” мөнәсәбәтләре сурәтләнә әсәрдә. Бар да җай гына үтәр иде, арага авылдан килгән бик акыллы, уңган, эшлекле егет Гыйззәт һәм бөтенләй көтмәгәндә аның сөйгәне Саҗидә килеп кысыла. Дөресрәге, аларны үз ихтыярына каршы кыстыралар. Шәһәр байлары, курчак уйнаган кебек, аларның язмышлары белән уйный. Шул маҗаралы вакыйгалар әвәрәсендә Башкортстанның атказанган артисты Альберт Шәрәфетдинов тәвәккәл кыю егет Сафый ролен башкара. Алыштыргысыз яучы Миһри – ул театрыбызның ветераны, сәхнә остасы Сәвия Сираева, сәүдәгәрләр Әхсән бай – Айрат Фатыйхов, Нурый бай – Рушат Мөдәрисов, бай хатыннары Сафия — Рәсимә Гайфуллина, Җамал — Финә Вәлиева, аларның карт кызлары Нәфисә – Резида Зарипова һәм башкалар. Алар бүген барысы да мактаулы исемнәргә лаек сәхнә осталары. Бу спектакльнең дә ул бүләкләрдә үз өлеше бар, әлбәттә. Спектакль чыкканда Башкортстанның атказанган артисты Марат абый Исхаков Гани байны уйнады, бүген ул хаклы ялда, ә аның образын Эльмир Газизуллин гәүдәләндерә. Бераз җитешмәгән, тәртипсез, җиңел холыклы бай улы Низамины театрның яшь артисты Марат Мәкъсүтов чыгарган булса, бүгенге көндә аны бик уңышлы һәм үтемле итеп Мәхмүт Фатыйхов башкара.
Спектакль премьерасы 2006 елның 15 маенда уйналып, бер ел театрның Кече сәхнәсендә яшәде. Зур зал ачылган тантанада исә “Җизнәкәй” беренче булып аның түренә менгән сәхнә әсәре!
Күптән түгел “Нур”да “Җизнәкәй”нең юбилее билгеләнде. Анда катнашкан бөтен артистлар аны сәхнәгә мендергән иҗади команданы котладылар. Эксклюзив спектакльдә Марат Исхаков үзенең ролендә уйнады. Һәм иң кызыклысы шул — алар ул образны Эльмир Газизуллин белән алмаш-тилмәш башкарды.
Артистларны без дә тәбриклибез, ә спектакльгә бүгенге уңышын югалтмавын, озын гомер теләп калабыз!
Айгөл Юлъякшина,
Гөлнур Усманова.
Чын сәнгать әсәре, беләбез, вакыт белән сынала. Әйтик, Уфа “Нур” татар дәүләт театрында Хәбибулла Ибраһимовның “Җизнәкәй” музыкаль комедиясе 15 ел буена сәхнәдән төшми уйналып та популярлыгын, актуальлеген, чагулыгын, иң мөһиме, тамашачысын югалтмаган. Киресенчә, театр репертуарының асыл бизәгенә әйләнгән. Гел тулы заллар җыеп, кайнар алкышларга күмелә.
Моның сере нидә икән? Бәлки, режиссерның тамашачы күңеленә туры юл таба белүендәдер. Спектакльне Башкортстанның атказанган артисты Илдар Вәлиев сәхнәгә куйган. Әйтергә кирәк, Илдар Иршат улының һәр сәхнә җимеше дә искиткеч халыкчанлыгы, гадилеге, һәм шул ук вакытта җылылыгы, ихласлыгы белән аерылып тора. Шуның белән үзенә тарта да.
Әлбәттә, әсәрнең эчтәлеге дә мавыктыргыч. Вакыйгалар узган гасыр башында барса да, геройлар кичергән хис-тойгылар бүгенге заман кешесен дә читләтеп узмый. Мәхәббәтнең нинди сынаулар каршында да бирешмәве, байлык белән хис көрәше, аталар һәм балалар арасындагы киеренке мөнәсәбәтләр һәм тагын әллә күпме темалар күтәрелә. Уңган, тәвәккәл һәм сөю утында янган Саҗидә-Гыйззәтләр, ялкау, акча тота белмәгән Низамилар, байлыкка алданып, кызын сатып җибәрергә әзер Ганиләр, вакытында кияүгә чыга алмый калган Нәфисәләр арабызда юк дип кем әйтер?
Спектакль — әлбәттә, күмәк хезмәт белән “әвәләнгән” продукт. Аның рәссамы — Нурия Габидуллина, композиторы — Афәрим Акчурин, хореографы — Сәлимә Әминева, сәхнә утын куючы — Денис Черепанов.
“Җизнәкәй”нең тагын бер үзенчәлеге – анда бик күп артистлар катнаша. Шул дәвердә инде спектакль эчендә бик күп үзгәрешләр булды, берничә буын артисты бу әсәрдә чыныгып үсте, кемдер чыгып китте, ә кемдер, спектакленә тугры калып, 15 ел дәвамында үз ролендә һаман яши. Төп геройлар: Саҗидә ролен зур осталык белән Башкортстанның халык артисты Гөлназ Мөхәммәдиева һәм Гөлназ Биктимерова, ә аның сөеклесе Гыйззәтне театрның моңлы сандугачы, гаҗәеп талантлы артисты Вилдан Мисбахов башкара. Әсәрне чыгарганда бу рольдә Рөстәм Салихов уйнаган иде. Ике гаилә арасындагы “алдым-бирдем” мөнәсәбәтләре сурәтләнә әсәрдә. Бар да җай гына үтәр иде, арага авылдан килгән бик акыллы, уңган, эшлекле егет Гыйззәт һәм бөтенләй көтмәгәндә аның сөйгәне Саҗидә килеп кысыла. Дөресрәге, аларны үз ихтыярына каршы кыстыралар. Шәһәр байлары, курчак уйнаган кебек, аларның язмышлары белән уйный. Шул маҗаралы вакыйгалар әвәрәсендә Башкортстанның атказанган артисты Альберт Шәрәфетдинов тәвәккәл кыю егет Сафый ролен башкара. Алыштыргысыз яучы Миһри – ул театрыбызның ветераны, сәхнә остасы Сәвия Сираева, сәүдәгәрләр Әхсән бай – Айрат Фатыйхов, Нурый бай – Рушат Мөдәрисов, бай хатыннары Сафия — Рәсимә Гайфуллина, Җамал — Финә Вәлиева, аларның карт кызлары Нәфисә – Резида Зарипова һәм башкалар. Алар бүген барысы да мактаулы исемнәргә лаек сәхнә осталары. Бу спектакльнең дә ул бүләкләрдә үз өлеше бар, әлбәттә. Спектакль чыкканда Башкортстанның атказанган артисты Марат абый Исхаков Гани байны уйнады, бүген ул хаклы ялда, ә аның образын Эльмир Газизуллин гәүдәләндерә. Бераз җитешмәгән, тәртипсез, җиңел холыклы бай улы Низамины театрның яшь артисты Марат Мәкъсүтов чыгарган булса, бүгенге көндә аны бик уңышлы һәм үтемле итеп Мәхмүт Фатыйхов башкара.
Спектакль премьерасы 2006 елның 15 маенда уйналып, бер ел театрның Кече сәхнәсендә яшәде. Зур зал ачылган тантанада исә “Җизнәкәй” беренче булып аның түренә менгән сәхнә әсәре!
Күптән түгел “Нур”да “Җизнәкәй”нең юбилее билгеләнде. Анда катнашкан бөтен артистлар аны сәхнәгә мендергән иҗади команданы котладылар. Эксклюзив спектакльдә Марат Исхаков үзенең ролендә уйнады. Һәм иң кызыклысы шул — алар ул образны Эльмир Газизуллин белән алмаш-тилмәш башкарды.
Артистларны без дә тәбриклибез, ә спектакльгә бүгенге уңышын югалтмавын, озын гомер теләп калабыз!
Айгөл Юлъякшина,
Гөлнур Усманова.
Читайте нас:
© 2019-2025 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27