+12 °С
Яңгыр
Барлык яңалыклар
Мәдәният һәм сәнгать
12 июль 2021, 12:15
Алар хәзер күпфункцияле!
“Мәдәният” гомумдәүләт проекты кысаларында районда берничә клубка капиталь ремонт үткәрелгән.
Алар хәзер күпфункцияле!
“Мәдәният” гомумдәүләт проекты кысаларында районда берничә клубка капиталь ремонт үткәрелгән.
Стәрлебаш районы хакимиятенең мәдәният бүлеге начальнигы урынбасары Фирдәвес Расаева һәм район мәдәният йорты директоры вазыйфаларын башкаручы Венера Латыйпова белән юлыбызны Аллагуват авылыннан башладык. Ул республикада киң танылу алган Башкорт хатын-кызлары җәмгыяте рәисе Гөлнур Колсарина, филология фәннәре кандидаты, Башкорт дәүләт университеты доценты Ирена Колсарина, тележурналист, Башкортстан телевидениесенең “Тамыр” студиясе директоры Гөлназ Колсаринаның туган авылы.
Без килгәндә мәдәният йортында ремонт эшләре бара иде.
– Капиталь ремонт эшләре “Мәдәният өлкәсе муниципаль учреждениеләрен яңарту” программасы буенча алып барыла. Клуб 2005 елда ачылган. Ремонт эшләре быел март аенда башланды, ә инде көзгә мәдәният учагы үз ишекләрен ачарга тиеш, – диде Венера Нурияҗан кызы.
Мәдәният йорты “Кече ватан мәдәнияте” проекты кысаларында җиһазландырылачак. Без моңа бик шатбыз, чөнки авыл клублары өчен бу – зур матди ярдәм, – дип белдерде Фирдәвес Фәрит кызы.
Аллагуват мәдәният йортының сәнгать җитәкчесе Маһира Колсарина безне ремонт эшләре барышы белән таныштыргач, Ялембәт авылына юлландык.
Авыл уртасында урнашкан мәдәният йорты ерактан ук җәлеп итәп тора. Монда безне ирле-хатынлы Зөбәеровлар каршы алды. Хөрмәт Аллабирде улы – сәнгать җитәкчесе, Әнисә Гали кызы мәдәни оештыручы булып хезмәт куя. Алар Стәрлетамак мәдәният-мәгърифәт техникумын тәмамлаганнар. Әлегә кадәр икесе дә сайлаган һөнәренә тугры калганнар. Ялембәт авылында 1996 елдан алып эшлиләр.
– Безнең мәдәният йорты 1979 елда төзелгән. 2018 елда капиталь ремонт ясалды. Бинаның фасады ремонтланды, агач тәрәзәләр заманчага алмаштырылды, идән буялды, евроштакетниктан яңа койма коелды. Бу эшләргә район бюджетыннан акча бүлеп бирелде. Былтыр “Кече ватан мәдәнияте” проекты кысаларында мәдәният йорты тулысынча җиһазландырылды. 2,9 миллион сумнан артык акчага сәхнә киемнәре, кәнәфиләр, кабинетлар, бию залы һәм клубның эшен оештыру өчен җиһазлар сатып алынды. Хәзер авыл клубы күпфункцияле итеп үзгәртелде. Мәдәният йортында балалар бүлмәсе дә җиһазландырылды. Аерым кунак-ял бүлмәсе дә бар. Тренажерлар залы – яшьләр дә, өлкәннәр дә яратып шөгыльләнгән урын. Бию залы да бар. Ремонт вакытында бинаның икенче катын үзгәрттек, анда сугыш һәм хезмәт даны музее эшләдек. Кул осталары бүлмәсе дә икенче катта, – ди Әнисә Гали кызы.
Әйе, чынлап та, мәдәният йортының исеме җисеменә туры килә. Чиста, пөхтә, заманча җиһазландырылган авыл клубын күреп күзләр шатлана.
– Киләчәктә Ялембәт күпфункцияле авыл клубына газ һәм су үткәрү максаты да куелды. Бу эшләрне дә башкарып чыгарбыз, дип ышанабыз, – диде район мәдәният йорты директоры вазыйфаларын башкаручы Венера Латыйпова.
Стәрлебашлыларның куйган максатка ирешәчәгенә шик юк. Чөнки бердәм халык яшәгән төбәктә эшләгән эшнең нәтиҗәсе дә һәрвакыт яхшы була.
Зөһрә ИСЛАМОВА.
Стәрлебаш районы хакимиятенең мәдәният бүлеге начальнигы урынбасары Фирдәвес Расаева һәм район мәдәният йорты директоры вазыйфаларын башкаручы Венера Латыйпова белән юлыбызны Аллагуват авылыннан башладык. Ул республикада киң танылу алган Башкорт хатын-кызлары җәмгыяте рәисе Гөлнур Колсарина, филология фәннәре кандидаты, Башкорт дәүләт университеты доценты Ирена Колсарина, тележурналист, Башкортстан телевидениесенең “Тамыр” студиясе директоры Гөлназ Колсаринаның туган авылы.
Без килгәндә мәдәният йортында ремонт эшләре бара иде.
– Капиталь ремонт эшләре “Мәдәният өлкәсе муниципаль учреждениеләрен яңарту” программасы буенча алып барыла. Клуб 2005 елда ачылган. Ремонт эшләре быел март аенда башланды, ә инде көзгә мәдәният учагы үз ишекләрен ачарга тиеш, – диде Венера Нурияҗан кызы.
Мәдәният йорты “Кече ватан мәдәнияте” проекты кысаларында җиһазландырылачак. Без моңа бик шатбыз, чөнки авыл клублары өчен бу – зур матди ярдәм, – дип белдерде Фирдәвес Фәрит кызы.
Аллагуват мәдәният йортының сәнгать җитәкчесе Маһира Колсарина безне ремонт эшләре барышы белән таныштыргач, Ялембәт авылына юлландык.
Авыл уртасында урнашкан мәдәният йорты ерактан ук җәлеп итәп тора. Монда безне ирле-хатынлы Зөбәеровлар каршы алды. Хөрмәт Аллабирде улы – сәнгать җитәкчесе, Әнисә Гали кызы мәдәни оештыручы булып хезмәт куя. Алар Стәрлетамак мәдәният-мәгърифәт техникумын тәмамлаганнар. Әлегә кадәр икесе дә сайлаган һөнәренә тугры калганнар. Ялембәт авылында 1996 елдан алып эшлиләр.
– Безнең мәдәният йорты 1979 елда төзелгән. 2018 елда капиталь ремонт ясалды. Бинаның фасады ремонтланды, агач тәрәзәләр заманчага алмаштырылды, идән буялды, евроштакетниктан яңа койма коелды. Бу эшләргә район бюджетыннан акча бүлеп бирелде. Былтыр “Кече ватан мәдәнияте” проекты кысаларында мәдәният йорты тулысынча җиһазландырылды. 2,9 миллион сумнан артык акчага сәхнә киемнәре, кәнәфиләр, кабинетлар, бию залы һәм клубның эшен оештыру өчен җиһазлар сатып алынды. Хәзер авыл клубы күпфункцияле итеп үзгәртелде. Мәдәният йортында балалар бүлмәсе дә җиһазландырылды. Аерым кунак-ял бүлмәсе дә бар. Тренажерлар залы – яшьләр дә, өлкәннәр дә яратып шөгыльләнгән урын. Бию залы да бар. Ремонт вакытында бинаның икенче катын үзгәрттек, анда сугыш һәм хезмәт даны музее эшләдек. Кул осталары бүлмәсе дә икенче катта, – ди Әнисә Гали кызы.
Әйе, чынлап та, мәдәният йортының исеме җисеменә туры килә. Чиста, пөхтә, заманча җиһазландырылган авыл клубын күреп күзләр шатлана.
– Киләчәктә Ялембәт күпфункцияле авыл клубына газ һәм су үткәрү максаты да куелды. Бу эшләрне дә башкарып чыгарбыз, дип ышанабыз, – диде район мәдәният йорты директоры вазыйфаларын башкаручы Венера Латыйпова.
Стәрлебашлыларның куйган максатка ирешәчәгенә шик юк. Чөнки бердәм халык яшәгән төбәктә эшләгән эшнең нәтиҗәсе дә һәрвакыт яхшы була.
Зөһрә ИСЛАМОВА.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27