Барлык яңалыклар
Мәдәният һәм сәнгать
7 август 2021, 10:35

"Илдар җанны ашый.."

Гүзәл Уразова ярдәм сорый.

"Илдар җанны ашый.."
Гүзәл Уразовага бер бәйләм ак розалар җибәргәннәр. Илдар Хәкимовны исә хатынына бу чәчәкләрне кем бүләк итүе бик кызыксындырган. «Кемнең чәчәге бу? Исеме дә, җисеме дә юк», — ди ул Гүзәлгә. Гүзәл аптырашта.

«Ике көнгә Антальяга барып кайткан иде, чәчәкләр дә килә башлады», — ди аңа ире.

Гүзәл Уразова, чәчәкләр җибәрүчене табарга ярдәм итүләрен сорап, инстачыларга мөрәҗәгать иткән. «Кем җибәрде бу чәчәкне, тизрәк языгыз әле, Илдар җанны ашый», — дигән ул.

Иң беренче булып Әнвәр Нургалиев: «Мин», - дип комментарий калдырган. «Алдама инде, Әнвәр», — дигән аңа Гүзәл. «О, башлана икән Санта-Барбара», — дигән инстачылар. «Гүзәлгә чәчәкләрне Әнвәр Нургалиев Төркиядән җибәргән. Төркия чәчәкләре бу», — дип тә язганнар, Әнвәр Нургалиевның Төркиядә ял итүен искә алып.

Фото: "tuylar.ru"

 

Автор:Резеда Галикәева