«Минем исемем - Салават» документаль фильмы премьерасы узды

Мәскәүдә Русия Федерациясе Президенты каршындагы Башкортстан Республикасы Тулы вәкаләтле вәкиллегендә Русия Сәнгать академиясе академигы, Русиянең халык рәссамы Салават Щербаков турында «Минем исемем - Салават» дигән документаль фильм премьерасы узды.

Аның белән телевидениедә, радиода, басма киңкүләм мәгълүмат чараларында күп интервью булды, ә менә фильмы юк иде. Шуңа да легендар скульптор турында беренче документаль фильм тәкъдим ителде. Фильм премьерасы алдыннан Башкортстан Республикасының Русия Федерациясе Президенты каршындагы Тулы вәкаләтле вәкиле, Башкортстан Премьер-министры урынбасары Умарпаша Ханалиевның фильмны иҗат итүчеләрнең иҗади төркеме, шулай ук төп герой Салават Щербаков белән очрашуы булды.

Очрашу барышында ул аларга башкарган эшләре өчен рәхмәт белдерде һәм алга таба да иҗади уңышлар теләде. Ә төшерү төркеме җитәкчесе Гәүһәр Батталова һәм Салават Щербаков Башкортстанның башкаласында мәдәниятне алга таба үстерү мәсьәләләре буенча алга таба да хезмәттәшлек итәргә әзер булуларын белдерделәр. Фильм Башкортстан Республикасы Мәдәният министрлыгы заказы буенча төшерелгән. Төшерүләр Мәскәү, Уфа, республиканың Архангель районында булды.

Картинада Щербаков иҗаты турындагы фикерләре белән Русия сәнгать академиясе президенты Зураб Церетели, Русия Президенты ярдәмчесе, Русия Хәрби-тарихи җәмгыяте рәисе Владимир Мединский, илнең Иминлек советы секретаре урынбасары, армия генералы Рәшит Нургалиев, очучы-космонавт, СССР Герое Александр Лавейкин һәм башкалар уртаклашты. Премьера кунаклары арасында Салават Александровичның туганнарын һәм якыннарын, Башкортстанның якташлык җәмгыяте вәкилләрен, Русия сәнгать академиясе профессорларын һәм академикларын һәм аның иҗатына битараф булмаган барлык кешене күрергә мөмкин иде.

Чарада Башкортстан Республикасының Тулы вәкаләтле вәкиле Умарпаша Хәнәфиев исеменнән сәламләү сүзе белән Башкортстан Республикасының Тулы вәкаләтле вәкиле киңәшчесе Ришат Халиков чыгыш ясады.