+20 °С
Болытлы
Мәдәният һәм сәнгать
27 ноябрь 2021, 06:20
Спиваков конкурсы музыка, игелек һәм тынычлык бәйрәменә әверелде
Уфада зур музыкаль вакыйга - Владимир Спиваковның туган җирендә III Халыкара скрипкачылар конкурсы тәмамланды.
Спиваков конкурсы музыка, игелек һәм тынычлык бәйрәменә әверелде
Тантаналы чарада Башкортстан Башлыгы Хакимияте Җитәкчесе вазыйфаларын башкаручы Урал Килсенбаев Радий Хәбировның котлавын укыды. Владимир Спиваков барлык оештыручыларга рәхмәт белдерде, заманча технологияләр ярдәмендә бу өч көн эчендә Уфада узган конкурсны онлайн режимда миллионнан артык кеше карый һәм тыңлый алды.
Конкурска дөньяның 12 иленнән барлыгы 300дән артык гариза килгән. Халыкара жюри карары буенча конкурсның беренче турына биш илдән (Япония, Германия, Көньяк Корея, Бразилия, Русия) 12 кеше үтте.
Конкурсның уникальлеге шунда ки, жюри карары нәтиҗәләре буенча яшь музыкантлар Италия, Франция һәм Русия осталарының иң кыйммәтле скрипкаларына ия булды: беренче премия лауреатына — мастер Джузеппе Педраццининың (Милан, 1918 ел), икенче премиягә — Николай Коссенның (Нешато, 1860-70 еллар) һәм өченче премиягә Игорь Улицкийның (Мәскәү, 2019 ел) скрипкалары тапшырылды.
Конкурсның җиңүчесе Элиас Дэвид Монкада скрипкада 4 яшеннән алып шөгыльләнә. Хәзерге вакытта Зальцбургтагы Моцартеум университеты профессоры Пьер Амояльдә укый. Ул - күп конкурс бүләкләре иясе, дөньяның күп кенә оркестрлары белән солист буларак чыгыш ясаган.
Гала-концертның икенче бүлегендә җиңүче Маэстро белән бер сәхнәдә чыгыш ясады. Башкортстан Республикасы Милли симфоник оркестры һәм Русия милли филармония оркестры солистлары аккомпанементы астында Элиас Дэвид Монкада Чайковский оркестры белән скрипка өчен концерт башкарды.
Дирижер пульты артында маэстро үзе - Владимир Спиваков булды.
Икенче премия иясе Чиса Китагава (Япония, Токио) һәм өченче премия иясе Джевон Ви (Көньяк Корея, Сеул) шулай ук чыгыш ясадылар.
Мостай Кәрим исемендәге фондның «Өмет» премиясен Александра Вайссбеккер (Русия, Казан), Мари Хеллинг (Германия), Штутгарт Гвидо Сант 'Анна (Бразилия, Сан-Паулу) алдылар. Ул сайлап алу турын бик шәп узган, тик, кызганычка каршы, коронавирус инфекциясе аркасында чикләр ябылу сәбәпле, Уфага килеп җитә алмады.
Владимир Спиваковның III халыкара скрипкачылар конкурсы музыка сәнгатен яратучылар арасында зур кайтаваз тудырды һәм барлык катнашучыларга һәм тамашачыларга чын музыка, игелек һәм тынычлык бәйрәме бүләк итте.
Фото: Владимир Подкользин.
