Гүзәл Уразовадан сагыз маҗарасы

"Без Илдар белән ашханәгә кердек. Группаның яртысы шунда иде инде. Бер кызыклы хәл. Артистларга диелгән салат, аш, карабодай белән гуляш, компот өстәлгә тезелгән иде. Бу минем өчен бик күп, ә Илдар шундый ябык иде ул вакытны. Минем аны ашатасым килде. Ул сыпыртып ашап куйды да, миңа карап утыра. Мин карабодайны ашый башлаган идем һәм шул чак: “Илдар, мин ашап бетерә алмыйм, калдырырга яхшы түгел, бәлки ашап бетерерсең?” – дидем. Ул ике дә уйламый: “Давай”, - ди. Мин тәлинкә белән бирдем барысын да Илдарга.

Берзаман ашап утырганда, Илдар авызын тотты да, ашаганын кире чыгарды. “Әллә таш эләктеме?” дип сорадым мин, куркып. Ул: “Юууук”, ди, үзе укшый. “Нәрсә булды соң?" – дим. “Карабодайга поварның авызыннан чәйни торган сагызы төшкән”, ди. Мин тагын бер кат аптырап сорадым: “Нинди сагыз, Илдар?”

Хәзер монда мин гаепле кебек булып чыктым бит әле. Аннары искә төште, мин бит авызымдагы сагызны ашар алдыннан өстәлгә куйдым, ә ул шуннан юкка чыккан. Карыйм-карыйм, сагыз өстәлдә юк. Ә кая ул? "– дип кызыклы хәлләр яза Гүзәл Уразова.

Фото: Телеграм