«Туган тел» телеканалындагы «Сер итеп кенә» тапшыруында Татарстанның һәм Башкортстанның атказанган артисты Илдар Хәкимов, ачылып китеп, мәхәббәт турында сөйләде.
- Эллари мәхәббәтнең нәрсә икәнлеген белә. Ни өчен дигәндә, ул әнисе белән безнең үзара мөнәсәбәтләрне күреп үсә. Безнең бер-беребезне яратканны белә. Балалар мәхәббәтне, ата-ананың бер-беренә карата хөрмәтен күреп үсәргә тиеш. Шул очракта гына аларның гаиләләрендә дә шундый ук мөнәсәбәт булачак, - диде ул, Эллариның мәхәббәт турындагы соравына җавап турында сүз чыккач.
Мин үзем Гүзәлне ныграк яратам дип әйтер идем. Ә менә Гүзәлдән сорасагыз, ул: «Мин Илдарны ныграк яратам», - диячәк. Ә, бәлки, Илдар мине ныграк, дип тә әйтер. Ләкин беренче вариантны әйтер кебек, мин Гүзәлне бик яхшы беләм, – дип шаярткан җырчы.
Фото: agryz-rt.ru