+21 °С
Болытлы
Мәдәният һәм сәнгать
18 октябрь 2023, 07:15
Республика вәкилләре Русия музыка акдемиясе студентлары алдында чыгыш ясаячак
20 октябрьдә Мәскәүдә Шувалов йортының музыкаль кунак бүлмәсендә «Русия төбәкләрен ачабыз» проекты кысаларында илебезнең булачак музыкаль элитасын тәкъдим итүче яшьләр белән иҗади очрашу узачак. Башлангычның максаты — Гнесиналар исемендәге Русия музыка академиясендә укучыларга мәдәният учреждениеләре һәм иҗат коллективлары җитәкчеләре тарафыннан Русия төбәкләрен тәкъдим итү (презентацияләү).
Республика вәкилләре Русия музыка акдемиясе студентлары алдында чыгыш ясаячак
Башкортстан Республикасы әлеге проектта беренче булып катнашу мөмкинлеге алды. Музыка академиясе студентлары алдында Милли симфоник оркестрның генеральный директоры, Башкортстанның халык артисты Артур Назиуллин, Уфа дәүләт сәнгать институты ректоры вазыйфаларын башкаручы, Башкортстанның атказанган сәнгать эшлеклесе Илмар Әлмөхәмәтов һәм Башкорт дәүләт опера һәм балет театрының генеральный директоры, Башкортстанның атказанган артисты Александр Алексеев чыгыш ясаячак.
Программада Башкортстан Республикасының әйдәп баручы музыкаль коллективлары презентациясе, спикерлар чыгышы, укучыларны арфа, виолончель, скрипка, валторна һәм флейта юнәлешләре буенча тыңлау.
— Мондый проектларның әһәмиятен артык бәяләү авыр. Бу — республика мәдәниятен үстерүгә зур «озак уйнаучы» инвестицияләр. Гнесиннар исемендәге Русия сәнгать академиясен тәмамлаучылар, яшь перспективалы музыкантлар, Башкортстанга килгәч, безнең иҗат коллективларын сыйфатлы итеп ныгытып кына калмыйча, Русиянең академик музыкаль белем базасын актуальләштерәчәкләр, - дип билгеләп үтте Башкортстанның мәдәният министры Әминә Шәфыйкова.
Бу вакыйга пианистка, Гнесиннар исемендәге уку йортлары комплексына нигез салучы һәм алыштыргысыз җитәкчесе, РСФСРның атказанган сәнгать эшлеклесе Елена Фабиановна Гнесинаның тууына 150 ел тулуны бәйрәм итүгә багышланган чаралар программасының бер өлеше булып тора.
