Бишбүләктә тарих телгә килде!

Районда киң колач белән “Рух. Дәрт. Моң” төбәкара фестивале узды.

Җиребезне ямьләп яз килгәндә бәрәкәтле Бишбүләк җирендә гөрләвекләр гөрелтесенә кушылып, сихри моң агылды. Биредә символик мәгънәгә ия булган “Рух. Дәрт. Моң” дип аталган татар мәдәнияте төбәкара фестиваленең Гала-концерты шаулап-гөрләп үтте. Әйтергә кирәк, Башкортстан татарлары конгрессы Башкарма комитеты канаты астында үткәрелгән әлеге колачлы чараның беренче этабы февральдә онлайн-форматта үткән иде.

Бирегә Авыргазы, Бакалы, Балтач, Бишбүләк, Дүртөйле, Кушнаренко, Миякә, Стәрлетамак, Тәтешле, Федоровка, Чакмагыш, Туймазы районнары, Октябрьский шәһәреннән тыш, күрше Татарстан, Ырынбур, Пермь төбәкләреннән үзешчәннәр коллективлары килде. Әлеге күркәм чарада катнашучылар башта район Мәдәният сараенда халкыбызның кул эшләре үрнәкләре белән танышты. Фестивальдә катнашучыларны һәм кунакларны сәламләп, хакимият башлыгы урынбасары Алексей Данилов фестивальнең районның мәдәни тормышында тагын бер якты бит булачагын билгеләп үтте.
Башкортстанның Дәүләт җыелышы-Корылтай депутаты, Фән, мәгариф, мәдәният, яшьләр сәясәте һәм спорт комитеты рәисе урынбасары, Башкортстан татарлары конгрессы рәисе Заһир Хәкимов фестивальне оештыручыларга, катнашучыларга чын күңелдән рәхмәт белдерде һәм халык мәдәниятен саклау эшендә алга таба да уңышлар теләде, Дәүләт җыелышы-Корылтайдан, Бөтендөнья татар конгрессыннан Рәхмәт хатлары, бүләкләр тапшырды. Төбәкара фестивальнең финалистлары, шулай ук, “Ак калфак” татар хатын-кызлары оешмасыннан Рәхмәт хатлары белән билгеләп үтелде.
“Рух. Дәрт. Моң” фестиваленең гала-концерты чын-чынлап халык талантларының бәйрәменә әверелде. 250дән артык үзешчән артист сәхнәне гөрләтте, ә тамашачылар артистларны көчле алкышларга күмде. Бу көнне, шулай ук, төрле номинацияләрдә – инструменталь иҗат, вокал, хореография, фольклор буенча җиңүчеләр билгеләнде. Ә Гран-прига Чакмагыш Мәдәният сараеның ”Идел” халык уен кораллары оркестры (житәкчесе – Русиянең мәгариф отличнигы Ренад Кәримов) лаек булды.
Әлеге күркәм төбәкара татар фестивлен Бишбүләк районы хакимияте, мәдәният бүлеге үткәрде, оештыруда Башкортстан татарлары конгрессы ярдәм итте.

Әмир Сәлимов.

Автор:Зөһрә Исламова

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27