Эльвира Аеткулова : «Максатыбыз уртак - милләтара татулыкны саклау»

Чараның төп максаты - ел ахырында узачак алтынчы «Бөтендөнья башкортлары корылтае (конгрессы)»на әзерлек барышы белән танышу, башкорт халкының тарихын, мәдәниятен һәм туган телне саклауга һәм үстерүгә бәйле аеруча актуаль проблемаларны ачыклау.

Русия Федерациясе Дәүләт думасы депутаты һәм «Бөтендөнья башкортлар корылтае (Конгрессы)» халыкара иҗтимагый берләшмәләр берлеге президиумы рәисе Эльвира Аеткулова һәр очрашуда 2019 елда оешма тарафыннан куелган максатларны гамәлгә ашыру нәтиҗәләре белән таныштыра. Бүген барлык милли иҗтимагый оешмалар алдында гомумгражданлык тәңгәллеген ныгыту буенча мөһим бурычлар тора. Биш ел эчендә башкорт халкының, Республиканың һәм илебезнең үсешенә зур өлеш керткән атаклы ватандашларыбызның исемнәрен мәңгеләштерү буенча зур эш башкарылды.

«Бөтендөнья башкортлары Корылтае (Конгрессы)» халыкара иҗтимагый оешмалар берлеге Башкарма комитеты рәисе Юлдаш Йосыпов башкорт халкының үсеш стратегиясен гамәлгә ашыру турында сөйләде. Документның төп максаты - дәүләт мәнфәгатьләрен, гомумкешелек өстенлекләрен исәпкә алып, башкорт халкының үсеше өчен шартлар тудыру, халыкның этномәдәни үзенчәлеген саклау, гражданнарның конституцион хокукларын һәм ирекләрен тәэмин итү.

- Мондый очрашулар, һичшиксез, бик мөһим, актуаль. Күренеп тора, кешеләр "Бөтендөнья башкортлары корылтае"ның эше турында белә, бездән видеопродукция һәм балалар өчен китаплар санын арттыру, балалар бакчаларында башкорт төркемнәрен арттыру мәсьәләләрендә ярдәм көтә. Яшь буын белән башкорт телен белү проблемасы, һичшиксез, иң актуальләрнең берсе һәм без бергәләп хәл итү юлларын табачакбыз, - дип ассызыклады Юлдаш Мөхәммәт улы халык белән очрашуларга йомгак ясап.

Тулырак: kurultai.ru

Фото: kurultai.ru