+21 °С
Болытлы
Мәдәният һәм сәнгать
5 август 2024, 12:40
"Башкорт аты" ничек узачак?
15 һәм 16 августта Баймак районында Граф күле буенда узачак «Башкорт аты» өченче халыкара фестиваленең программасы билгеле булды.
"Башкорт аты" ничек узачак?
Хөкүмәтнең ЦУРдагы оператив киңәшмәсендә Башкортстан Башлыгы Хакимияте Җитәкчесенең эчке сәясәт буенча беренче урынбасары Азат Бадранов хәбәр иткәнчә, программа дүрт блоктан торачак. Урындагы җитештерүчеләрдән ат һәм кымыз продукциясе күргәзмә-ярминкәсе оештырылачак. Барлык җитештерүчеләр дә «Хәләл» стандарты буенча эшли.
Икенче блок - киң эшлекле программа. "Түгәрәк өстәл"ләрдә катнашучылар Евразиянең токымлы атларын саклау һәм үрчетү, башкорт токымлы атларны кулланып ат спортын үстерү, Урал аръягында туризмны үстерү мәсьәләләре турында фикер алышачак. Шулай ук Радий Хәбиров башкорт елкычылыгын үстерү проблемалары һәм мәсьәләләре турында фикер алышу өчен республика елкычылары белән очрашуны планлаштыра.
Өченче иҗат блогында Башкорт курчак театры фестиваль өчен махсус әзерләгән интерактив спектакль күрсәтәчәк. Моннан тыш, үзешчән коллективлар һәм республиканың сәнгать осталары чыгыш ясаячак.
Дүртенче блок - спорт ярышлары. Бу - милли көрәш, мас-рестлинг, самбо буенча республика турнирлары, аркан тартышу буенча төбәкара турнир. Шулай ук быел ГТО нормаларын тапшыру өчен мәйданчык оештырылган, анда теләгән һәркем килә ала.
Ат спорты: «Тай-тулаҡ», «Ауҙарыш», «Анимак» ярышлары белән тәкъдим ителәчәк. Моннан тыш, ат спорты ярышларының алты төре планлаштырыла. Алдагы еллардагы кебек үк төп приз – автомобиль. Традиция буенча, иң мавыктыргыч һәм киңкүләм ат парады булачак.
10 меңнән артык тамашачы килер дип көтелә. Фестивальдә Беларусь, Казахстан, Кыргызстан, Азәрбайҗан, Берләшкән Гарәп Әмирлекләреннән елкычылар, спортчылар, галимнәр һәм бизнес вәкилләре катнашачак.
Радий Хәбиров традициягә әверелгән «Башкорт аты»ның Баймак районында туристлык инфраструктурасын үстерү өчен яхшы мөмкинлекләр бирүен билгеләп үтте.
Фото: "Башинформ" агентлыгы.
Икенче блок - киң эшлекле программа. "Түгәрәк өстәл"ләрдә катнашучылар Евразиянең токымлы атларын саклау һәм үрчетү, башкорт токымлы атларны кулланып ат спортын үстерү, Урал аръягында туризмны үстерү мәсьәләләре турында фикер алышачак. Шулай ук Радий Хәбиров башкорт елкычылыгын үстерү проблемалары һәм мәсьәләләре турында фикер алышу өчен республика елкычылары белән очрашуны планлаштыра.
Өченче иҗат блогында Башкорт курчак театры фестиваль өчен махсус әзерләгән интерактив спектакль күрсәтәчәк. Моннан тыш, үзешчән коллективлар һәм республиканың сәнгать осталары чыгыш ясаячак.
Дүртенче блок - спорт ярышлары. Бу - милли көрәш, мас-рестлинг, самбо буенча республика турнирлары, аркан тартышу буенча төбәкара турнир. Шулай ук быел ГТО нормаларын тапшыру өчен мәйданчык оештырылган, анда теләгән һәркем килә ала.
Ат спорты: «Тай-тулаҡ», «Ауҙарыш», «Анимак» ярышлары белән тәкъдим ителәчәк. Моннан тыш, ат спорты ярышларының алты төре планлаштырыла. Алдагы еллардагы кебек үк төп приз – автомобиль. Традиция буенча, иң мавыктыргыч һәм киңкүләм ат парады булачак.
10 меңнән артык тамашачы килер дип көтелә. Фестивальдә Беларусь, Казахстан, Кыргызстан, Азәрбайҗан, Берләшкән Гарәп Әмирлекләреннән елкычылар, спортчылар, галимнәр һәм бизнес вәкилләре катнашачак.
Радий Хәбиров традициягә әверелгән «Башкорт аты»ның Баймак районында туристлык инфраструктурасын үстерү өчен яхшы мөмкинлекләр бирүен билгеләп үтте.
Фото: "Башинформ" агентлыгы.
