"Икмәк җанлы әнием"

Шагыйрь Вәрис Акбашевның 65 яшенә багышланган кичә шулай дип аталды һәм ул Авыргазыда Бәхти Гайсин исемендәге балалар музыка мәктәбендә узды.

"Икмәк җанлы әнием"

"Икмәк җанлы әнием" дигән кичәне дә шагыйрь шушы шигырен укып башлады һәм аны быел җәй арабыздан киткән әнисенең рухына багышлады. Шагыйрьнең әти-әнисе, Атҗитәр авылы мәктәбендә гомер буе балалар укыткан Ягафәр Шәйхетдин улы һәм Фәния Һади кызы улларына табигатьтән бирелгән талант чаткысын сүндермичә, аңа канатлар куйган. Вәрис Акбашев - Галимҗан Ибраһимов исемендәге премия лауреаты, “Зәңгәр чишмә” әдәби берләшмәсенең алыштыргысыз җитәкчесе дә.
Ә инде бүгенге кичәдә Вәрис Акбашевның якташлары, дуслары, Уфадан, Стәрлетамактан мәртәбәле кунаклар катнашты. Һәр чыгыш ясаучы Вәрис Акбашевның күркәм сыйфатлары, иҗаты турында сөйләп, аңа ихлас котлау сүзләрен җиткерде.
Районның мәдәният идарәсе начальнигы Булат Баһаветдинов Вәрис Ягафәр улын ихлас котлап, Авыргазы районы хакимияте башлыгы Арслан Шәһәретдиновның Рәхмәт хатын тапшырды.
Кичәдә Вәрис Акбашевның шигырьләренә язылган җырлар башкарылды, шигырьләре укылды, дәртле гармун моңнары яңгырады, татар биюе дә башкарылды. Юбилярның якташы, дусты, танылган композитор Урал Рәшитовның чыгышы да үзенчәлекле булып, зал аның иң популяр җырларының берсе булган "Туган як" хитын кушылып җырласа, Вәрис Акбашев сүзләренә Урал Рәшитов көй язган Авыргазы гимнын басып тыңлады.
Ихлас чыгышлар, котлаулар чарага килгән һәркемнең күңелен күтәреп, киләчәккә якты хыяллар уятты. Моңа табигать тә булышлык иткән кебек булды: Талбазыда күбәләкләп ап-ак кар яуды һәм җир өстен сафлык белән каплады. Вәрис Акбашевның иҗаты да кешеләр күңелен сафландыра, уйландыра, матурлыкка, татулыкка өнди.
Әлеге чара хакында тулырак "Кызыл таң" гәзите битләрендә укырга мөмкин булачак.

Фото: Эльвира Ямалетдинова

Автор:Зөһрә Исламова

Читайте нас:

Новости партнеров

Ҡыш ҡасан килә?

Уфимский лимонарий – точка притяжения туристов со всех концов России

Балтачлар аккошлар гаиләсе өчен борчыла

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27