+21 °С
Болытлы
Мәдәният һәм сәнгать
22 ноябрь 2024, 12:45
“Күчмә мәдәниятләр дөньясы”н күрми калмагыз
21 ноябрьдә “Торатау” конгресс-холлында “Күчмә мәдәниятләр дөньясы” күргәзмәсе ачылды, ул быел Евразия күчмә цивилизацияләр музее оештырган “Тура-хан” халыкара этносәнгать симпозиумы нәтиҗәләре буенча уздырыла.
“Күчмә мәдәниятләр дөньясы”н күрми калмагыз
Агымдагы елда Евразия күчмә цивилизацияләр музее оештырган “Турахан” халыкара этносәнгать симпозиумы нәтиҗәләре буенча уздырылучы күргәзмә – йолалар һәм заманчалыкның үзенчәлекле синтезы ул. Симпозиумда Азәрбайҗан, Иран, Казахстан, Кыргызстан, Монголия, Таҗикстан, Үзбәкстан һәм Русиядән рәссамнар катнашкан. Алар күчмә халыкларның бай тарихы һәм мәдәнияте белән рухланып, үзләренең иҗади күзаллауларын һәм борынгы йолаларны ничек аңлауларын чагылдырган әсәрләр иҗат иткән.
Коллектив киез панно эшләнеше белән “Турахан” кәшәнәсе янында визит-үзәктә узган симпозиумны ачу тантанасында катнашучыларның иҗади диалогы һәм бердәмлеге символына әверелгән. Башкортстан Милли музее, Р.Г.Кузеев исемендәге Этнологик тикшеренүләр институтының Археология һәм этнография музее, “Шүлгәнташ” тарихи-мәдәни музей комплексы кебек республиканың әйдәүче мәдәни учреждениеләре сипозиумда катнашучыларга Башкортстан тарихы һәм мәдәнияты белән танышырга, төбәкнең бай мирасыннан илһам алырга мөмкинлек биргән.
“Экспозиция рәссамнар куллана торган жанрларның, стильләрнең һәм техника, традицион эзләнүләрдән алып заманча техника һәм материалларга, символик сурәтләрдән алып абстракт композицияләргә кадәр төрлелекне күрсәтә. Күргәзмә рәссамнар арасындагы иҗади диалогны һәм аларның күчмә халыклар мәдәниятен тирән аңлавын чагылдыра. Ул тамашачыны халык йолалары һәм гореф-гадәтләре дөньясына мавыктыргыч сәяхәткә чакыра, Евразия халыклары тарихы һәм мәдәнияте белән булган тирән бәйләнешне аңлап, сәнгатькә яңа күзлектән карарга тәкъдим итә”, диде авторы, кураторы, рәссам, Русия Рәссамнар берлеге әгъзасы, Евразия күчмә цивилизацияләр музее гыйльми хезмәткәре Илдар Ганиев.
Күргәзмәдә музейның галерея фондын тулыландырган 20 эш тәкъдим ителгән. Алар арасында Ләйсән Гыйльманова җитәкчелегендә төрле илләрдән рәссамнар тарафыннан киездән ясалган коллектив панно да бар. Модульле композиция ярдәмендә, эшләр бердәм полотнода тоташтырылган, бу исә мәдәни берләшүнең һәм үзара аңлашуның аерым мәгънәсен бирә.
“Күчмә мәдәниятләр дөньясы” күргәзмәсе 14 декабрьгә кадәр эшләячәк.
Фото: Фәнүз Хәбибуллин
Коллектив киез панно эшләнеше белән “Турахан” кәшәнәсе янында визит-үзәктә узган симпозиумны ачу тантанасында катнашучыларның иҗади диалогы һәм бердәмлеге символына әверелгән. Башкортстан Милли музее, Р.Г.Кузеев исемендәге Этнологик тикшеренүләр институтының Археология һәм этнография музее, “Шүлгәнташ” тарихи-мәдәни музей комплексы кебек республиканың әйдәүче мәдәни учреждениеләре сипозиумда катнашучыларга Башкортстан тарихы һәм мәдәнияты белән танышырга, төбәкнең бай мирасыннан илһам алырга мөмкинлек биргән.
“Экспозиция рәссамнар куллана торган жанрларның, стильләрнең һәм техника, традицион эзләнүләрдән алып заманча техника һәм материалларга, символик сурәтләрдән алып абстракт композицияләргә кадәр төрлелекне күрсәтә. Күргәзмә рәссамнар арасындагы иҗади диалогны һәм аларның күчмә халыклар мәдәниятен тирән аңлавын чагылдыра. Ул тамашачыны халык йолалары һәм гореф-гадәтләре дөньясына мавыктыргыч сәяхәткә чакыра, Евразия халыклары тарихы һәм мәдәнияте белән булган тирән бәйләнешне аңлап, сәнгатькә яңа күзлектән карарга тәкъдим итә”, диде авторы, кураторы, рәссам, Русия Рәссамнар берлеге әгъзасы, Евразия күчмә цивилизацияләр музее гыйльми хезмәткәре Илдар Ганиев.
Күргәзмәдә музейның галерея фондын тулыландырган 20 эш тәкъдим ителгән. Алар арасында Ләйсән Гыйльманова җитәкчелегендә төрле илләрдән рәссамнар тарафыннан киездән ясалган коллектив панно да бар. Модульле композиция ярдәмендә, эшләр бердәм полотнода тоташтырылган, бу исә мәдәни берләшүнең һәм үзара аңлашуның аерым мәгънәсен бирә.
“Күчмә мәдәниятләр дөньясы” күргәзмәсе 14 декабрьгә кадәр эшләячәк.
Фото: Фәнүз Хәбибуллин
