Элвин Грей барысын да уздырган

Яңа ел бәйрәмнәре һәм корпоративлар чоры якынлаша. «БИЗНЕС Online» басмасы татар җырчыларының Яңа ел гонорарларын барлаган. Анда язылуынча, бәяләр мондыйрак:

Элвин Грей 45 минутлык чыгышы өчен 1,5 млн сум ала. Яңа ел төнендә булса - 2,5 миллион сум.

Фирдүс Тямаев – бер сәгать өчен 600–700 мең сум.

Ришат Төхвәтуллин Алиясез генә чыгыш ясый һәм 500 мең сумга килә.

Салават Фәтхетдинов – баянчысы белән бергә нибары 300–350 мең сум.

Айдар Галимов та шулай ук — 350 мең сум.

Гүзәл Уразованың корпоратив чыгышы 350–400 мең сум торачак.

Илдар Хәкимов белән килсә, ике тапкыр күбрәк.

Илсөя Бәдретдинова үзе генә килсә, 150 мең сум. Төркем белән – 350 мең сум.

Сәидә Мөхәммәтҗанова Казанда 30 мең сумга чыгыш ясый, читтә булса кыйммәтрәк.

Эльмира Калимуллинаны өч җыр башкарырга 250 мең сумга чакырырга мөмкин.

Филүс Каһировның бәясе 150-200 мең сум.

Иркә 150 мең сумга чыгыш ясый ала.

Алинә Шәрипҗанованың Яңа ел гонорары 100-150 мең сум.

Данир Сабиров 4-5 сәгатьлек мәҗлесне 400 мең сумга алып барырга риза.

Айдар Садыйков 30-70 мең сумга йөри.

Әлеге саннар  үзгәрергә мөмкин. Әйтик, кайсы шәһәр, ничә кешелек мәҗлес, төркем белән киләсеме яки үзеңә генәме, җомга көн корпоративымы, әллә дүшәмбеме һ.б. һ.б.  

фото: мк.ру