Иҗади тәҗрибәне – яшьләргә!

Абруйлы иҗтимагый оешма тарафыннан бу юнәлештә максатлы эш алып барыла.

2022 ел Бөтендөнья башкортлары корылтае тарафыннан Башкорт мәдәнияте һәм рухи мирасы елы дип игълан ителгән иде. Аның төп юнәлешләренең берсе – иҗатчыны таныту, ә төп чарасы – “Иҗади мәйдан” булды. Аның кысаларында алты зона мәйданчыгында республиканың танылган иҗади кешеләре һәм җәмәгать эшлеклеләре белән күчмә очрашулар узды.

Режиссерлар, сценаристлар, видеографлар, артистлар, рәссамнар, депутатлар, мәгариф һәм мәдәният тармагы вәкилләре үзләренең хезмәттәшләре һәм фикердәшләре белән аралашты, остаханәләр оештырды, кызыклы идеяләр һәм бай иҗади тәҗрибә белән уртаклашты. “Иҗади мәйдан” чын-чынлап республиканың барлык район һәм шәһәрләрендә яшәүчеләрне берләштерде.
Мәсәлән, Агыйдел шәһәрендә Башкортстанның Кинематографистлар берлеге рәисе Зөһрә Буракаева операторлык осталыгы, киносценарийлар язу, нәфис һәм документаль фильмнар өчен темалар сайлау серләре белән уртаклашты. Башкортстанның атказанган артисты Илнур Локманов авыл клублары хезмәткәрләрен һәм драма түгәрәкләре җитәкчеләрен сәхнә сөйләменә өйрәтте. Башкортстанның атказанган рәссамы Җәлил Сөләйманов сәнгать мәктәпләрендә тәрбияләнүчеләр өчен “Урал батыр” эпосы буенча остаханә үткәрде. Салаватта танылган хореограф Риф Габитовның остаханәсендә яшьләр популяр башкорт биюләренең барлыкка килү тарихы турында бик күп кызыклы мәгълүмат белде. Кинорежиссер Булат Йосыпов кыска метражлы видеороликлар төшерү нечкәлекләрен һәм башка үзенчәлекләрен ачты.
Салават шәһәрендәге “Иҗади мәйдан” республиканың 15 районыннан катнашучыларны берләштерде. 11 төрле мәйданчыкта мәдәният һәм сәнгать юнәлешләре: кинематография, әдәбият, журналистика, хореография һәм башкалар буенча семинарлар, остаханәләр оештырылды.
– “Иҗади мәйдан” проекты бик яхшы башлангыч булды. Безгә – һөнәр осталарына да, катнашучылар өчен дә кызыклы, фәһемле, файдалы очрашулар республиканың һәр районында диярлек узды. Мин, рәссам буларак, остаханәләр үткәрдем. Катнашучылар башкорт риваятьләре сюжетлары буенча остаханәләрдә өйрәнгән һөнәри рәсем нигезләре осталыгын кулланып карады.
“Иҗади мәйдан” – танылуга ирешкән профессионаллар һәм мэтрларның иҗади тормышы белән кызыксынучы кешеләр арасында турыдан-туры тыгыз элемтәдә булу чарасына әверелде. Турыдан-туры һәм җанлы аралашу беркайчан да бернәрсәне дә алыштыра алмый, – диде Башкортстанның атказанган рәссамы Җәлил Сөләйманов.

Зөһрә ИСЛАМОВА.

Автор:Зөһрә Исламова

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27